Tómas enn

Tómas Veigar Sigurðarson er iðinn við kolann þessa dagana og sigursæll. Í gær, fimmtudag var að vanda opið hús í Skákheimilinu og slegið upp hraðskákmóti. Tómas vann þar öruggan sigur, hlaut 12 vinninga í 14 skákum. Annar varð Sigurður Arnarson með 10,5 vinning og nafni hans Eiríksson þriðji með 10. Karl Egill Steingrímsson fékk 8,5 vinning í fjórða sæti, en aðrir minna.

Nú stendur yfir Landsmót í skólaskák í Stórutjarnaskóla, þar sem við skákfélagsmenn eigum 4 fulltrúa. Mótinu lýkur á sunnudag og má fylgjast með framvindu mótsins og árangri okkar manna hér

Næsta mót hja félaginu verður 15. mínútna mót sunnudaginn 6. maí og hefst kl. 13.