Andri Freyr og Jón Kristinn kjördæmismeistarar!

Kjördæmismótið í skólaskák fór fram sl. laugardag. Sex þátttakendur voru í yngri flokki og þar urðu úrslit þessi:

 Jón Kristinn Þorgeirsson, Lundarskóla  5 v.

Símon Þórhallsson, Lundarskóla  4 

Tinna Ósk Rúnarsdóttir, Hrafnagilsskóla  3

Bjarni Jón Kristjánsson, Litlulaugaskóla 2

Hermann Helgi Rúnarsson, Glerárskóla 1

Jakub Piotr Statkiewicz. Litlulaugaskóla 0

 

 

 

Í eldri flokki tefldu 4 skákmenn tvöfalda umferð:

Andri Freyr Björgvinsson, Brekkuskóla  5 v.

Snorri Hallgrímsson, Borgarhólsskóla 4,5 

Hlynur Snær Viðarsson, Borgarhólsskóla 2,5

Magnús Mar Väljaots, Brekkuskóla 0

Báðir kjördæmismeistararnir koma þannig úr röðum okkar skákfélagsmanna. Sigur Jóns Kristins kemur tæplega á óvart. Hann er landmótsmeistari frá því í fyrra og hefur unnið kjördæmismótið fjögur ár í röð. Þetta er síðasta ár hans í yngri flokki.  Andri var einnig sigurstranglegur í eldri flokki, en fékk harða keppni frá Húsvíkingnum Snorra Hallgrímssyni. Magnús Mar, sem kom svo mjög á óvart á Akureyrarmótinu á dögunum, var óheppinn að ná ekki í vinning á mótinu og galt þess greinilega að hafa ekki fengið þá þjálfun sem andstæðingar hans höfðu fengið. 

Það er stuitt stórra högga á milli á þessum vettvangi, því Landsmót í skólaskák hefst í Stórutjarnaskóla í Þingeyjarsveit nk. fimmtudag, 3. maí kl. 16.00. 12 keppendur verða í hvorum flokki. Vegna góðs árangurs okkar manna síðasta landsmóti fá þrír efstu keppendur á kjördæmismótinu sæti á mótinu nú, þ.e. Jón Kristinn, Símon og Tinna í yngri flokki, og Andri Freyr, Snorri og Hlynur Snær í þeim eldri.