Hersteinn skólameistari Glerárskóla

Skólamóti Glerárskóla lauk sl. mánudag. Alls mættu til leiks 11 keppendur og tefldu í tveimur riðlum. Í A-riðli urðu úrslit þau að Hersteinn Bjarki Heiðarsson sigraði með 4 vinningum í 5 skákum, hálfum vinningi á undan þeim Hirti Snæ Jónssyni og Loga Rúnari Jónssyni. Allir eru þeir í 10 bekk. Það er einnig Birkir Freyr Hauksson, sem varð fjórði með 3 vinninga. Fimmti varð svo Júlíus Þór Björnsson Waage í 6. bekk og sjötti Róbert Alexander Ásrúnarson í 7. bekk. Þetta er annað árið í röð sem Hersteinn vinnur mótið.

Í b-riðli tefldi Tinna Ósk Rúnarsdóttir sem gestur og vann allar sínar skákir, 4 að tölu. Næstur kom Arnar Logi Kristjánsson í 8. bekk, með 3 vinninga. Davíð Hafþórsson 7. bekk fékk 1,5 vinning, Hermann Helgi Rúnarsson 6. bekk 1 og Róbert Orri Heiðmarsson 5. bekk 0,5 vinning. 

Þeir Hersteinn, Hjörtur og Logi vinna sér með árangri sínum rétt til þátttöku á skólaskákmóti Akureyrar (eldri flokki), sem háð verður 21. apríl nk.  Davíð og Hermann hafa öðlast rétt til þátttöku í yngri flokki á mótinu. Þá er líklegt að bætt verði við einhverjum boðsætum á mótinu fyrir fleiri nemendur úr Glerárskóla.