Íslandsmót grunnskólasveita:

Góður árangur Glerárskóla

Íslandsmót grunnskólasveita var háð í Rimaskóla í Reykjavík nú um helgina. Alls tóku 26 sveitir þátt í mótinu og sigraði A-sveit Rimaskóla með miklum yfirburðum og varð b-sveit skólans í öðru sæti. Sveit Glerárskóla tók þátt í mótinu, ein sveita utan höfuðborgarsvæðisins og stóð sig með stakri prýði.  Sveitina skipuð þeir Logi Rúnar Jónsson, Hersteinn Bjarki Heiðarsson, Hjörtur Snær Jónsson og Birkir Freyr Hauksson.  Þeir tefldu við allar sterkustu sveitirnar og voru allan tímann í baráttu um verðlaunasæti, en máttu þola 0-4 tap fyrir sigursveitinni í síðustu umferð. Þeir fengu 19 vinninga í 9 umferðum og enduðu í 8. sæti af 26 sveitum. Bestum árangri náði Hjörtur Snær á 3. borði, fékk 5,5 vinning.