Úrslit í mótum helgarinnar

Vikið var út af venjunni á reglubundnu unglingamóti á laugardaginn. Nú mættu nokkrir eldri unglingar til leiks og var efnt til keppni milli sveita keppenda í tveimur aldursflokkum, sem í munni umsjónarmanns fengu heitin "ungir" og "yngri". Teflt var með bændaglímufyrirkomulagi og lauk keppninni með sigri þeirra sem voru aðeins eldri en hinir.  Þá sveit skipuðu þeir Áskell, Sigurður A, Bragi, Karl, Haki og Jón Magg.  Sveit hinna yngri skipuðu þau Jón Kristinn, Andri Freyr, Logi, Oliver, Hjörtur Snær og Tinna. Lauk viðureigninni með naumum sigri þeirra eldri 21-15. Bestum árangri allra náði Jón Kristinn, fékk 5,5 vinninga í 6 skákum og heldur sigurganga hans áfram í stigakeppni laugardagsmótanna, en Jón hefur sigrað í þeim öllum, 7 talsins frá áramótum.

 

Á sunnudaginn mættu 9 keppendur til leiks og tefldu með hinum nýstárlegu tímamörkum 5:03. Í þessu tilviki fá keppendur 5 mínútur og 3 sekúndur á skákina með þeirri viðbót að klukkan bíður í 3 sekúndur við hvern leik áður en hún fer að telja niður. Þannig gefst handfljótum kostur á að klára skák þótt tími sé naumur í lokin; menn þurfa að eins að gæta þess að leika allotaf innan 3 sekúndna; þá saxast ekki á tímann. Var gerður góður rómurþessu fyrirkomulagi. Meiri ágreiningur varð hinsvegar um það hvort keppendur ættu að fara úr skónum þegar gengið var í skáksal, en sokkasinnar báru skósinna ofurliði í því máli. 

Mótinu sjálfu lauk þannig:

1. Sigurður Eiríksson           7

2. Sigurður Arnarson           6

3. Jón Kristinn Þorgeirsson  5

4. Atli Benediktsson             4

5-8. Smári Ólafsson

Andri Freyr Björgvinsson

Haki Jóhannesson

Karl E Steingrímsson          3

9. Logi Rúnar Jónsson        2