Taflmennska um helgina

Skákhungruðum gefast ágæt tækifæri til tafliðkunar um helgina. Mót verða bæði laugardag og sunnudag.

Á laugardag kl. 13 er mót í unglingaflokki eins og verið hefur undanfarna laugardaga. Í þetta sinn hvetjum við einnig ráðsettari skákmenn til að mæta. Ef vel ber í veiði komum við á keppni milli ungra og aldinna.

Á sunnudag kl. 13 efnum við til hraðmóts. Þátttaka og áhugi keppenda ræður tímamörkum og fyrirkomulagi.  

Allir velkomnir meðan húsrúm leyfir.