TM-mótaröðin: Tómas eykur forskotið

Í gær var teflt í hinni geysivinsælu TM-mótaröð og mun þetta hafa verið 6. umferðin. Níu keppendur mættu og tefldu einfalda umferð, allir við alla. Leikar fóru svo að Tómas Veigar Sigurðarson sigraði með 7 vinninga af 8 mögulegum og jók þar með forystu sína á mótinu. Jón Kristinn Þorgeirsson, sem er í 2. sæti mótaraðarinnar fékk 4 vinninga og endaði 3.-4. sæti. Að þessu sinni voru það Sigurður Arnarson og Tómas sem börðust um sigurinn og voru jafnir fyrir lokaumferðina. Í henni gerði Logi Rúnar Jónsson sér lítið fyrir og vann Sigurð og tryggði Tómasi efsta sætið.
Úrslitin má sjá hér að neðan.

1. Tómas Veigar  7 vinningar
2. Sigurður Arnarson 6 vinningar
3. -4. Jón Kristinn Þorgeirsson og Atli Benediktsson 4 vinningar
5.-6. Sigurður Eiríksson og Karl Steingrímsson 3,5 vinningar
7.-8. Haki Jóhannesson og Símon Þórhallsson 3 vinningar
9. sæti Logi Rúnar Jónsson 2 vinningar.