Reykjavíkurmótið

Hið árlega opna Reykjavíkurskákmót hófst í gær eins og allir lesendur þessarar síðu vita. Skákfélag Akureyrar á 4 keppendur í mótinu af þeim tæplega 200 keppendum sem mættir eru til leiks.
Stefán Bergsson (2171 elóstig) er í 85 sæti styrkleikalistans. Mikael Jóhann Karlsson(1884) er í 142 sæti, Óskar Long Einarsson (1618) er í 177 sæti listans og Andri Freyr Björgvinsson (1544) er í 183 sæti styrkleikalistans.

Stefán og Andri mættust í fyrstu skákinni og lagði Stefán unglinginn að velli og mætir alþjóðlega meistaranum Jóni Viktori Gunnarssyni (2424) í 2. umferð en norðanmaðurinn Andri Freyr mætir Norðmanninum Hans Richard Thjomoe.

Mikael Jóhann tapaði fyrir stórmeistara kvenna frá Rúmeníu sem heitir Alina L´ami (2372) og mætir Englendingnum Chris P. Smith (1370) í næstu umferð.

Óskar atti kappi við indverskan fidemeistara sem heitir Dave Dhyani (2205) og laut í lægra haldi. Hann mætir Bjarna Sæmundssyni (1947) í dag.

Meðal annarra úrslita úr 1. umferð má nefna að Skagfirðingurinn Jón Arnljótsson (1781) gerði jafntefli við skákdrottninguna Lenku Ptacnikovu (2289)