Reykjavíkurskákmótið

Hið árlega Reykjavíkurskákmót hófst í gær í Hörpu og er mótið líklega fjölmennara og glæsilegra en nokkru sinni fyrr. Meðal u.þ.b. 200 keppenda eru þrír Skákfélagsmenn, Stefán Bergsson, Mikael Jóhann Karlsson og Andri Freyr Björgvinsson og er sá síðastnefndi hér að taka þátt í sínu fyrsta alþjóðlega móti. Spennandi verður að fylgjast með framgöngu okkar manna, en í fyrstu umferð vann Stefán sína skák, en hinir tveir töpuðu, enda voru þeir að tefla við mun stigahærri andstæðinga. Við sendum þeim Stefáni, Mikael og Andra baráttukveðjur og óskir um gott gengi á mótinu.