Halldór Brynjar Íslandsmeistari í ofurhraðskák

Akureyringurinn Halldór Brynjar Halldórsson sigraði á Íslandsmótinu í ofurhraðskák sem Taflfélagið Hellir stóð fyrir og var lokaviðburður Íslenska skákdagsins á fimmtudaginn. Hraðskákkeppnin fór fram á ICC og tóku 24 skákmenn þátt. Tefldar voru 15 skákir með tveggja mínútna umhugsunartíma og fékk Halldór 12,5 vinninga og varð hálfum vinningi á undan Davíð Kjartanssyni sem endaði í 2. sæti.  Skákfélagið óskar okkar manni til hamingju með Íslandsmeistaratitilinn.