Íslandsmótið í Akureyrartvískák

Í dag fer fram fyrsta Íslandsmótið í Akureyrartvískák í salarkynnum Skákfélags Akureyrar. Reglur eru þær að tveir tefla saman í liði á einu borði og leika liðsmenn til skiptis. Óheimilt er að hafa samráð við liðsfélaga á meðan á skák stendur. Leiki sami liðsmaðurinn tvisvar í röð telst seinni leikurinn ólöglegur og verður þá að leika einhverjum öðrum leik nema ef leikurinn er eini löglegi leikurinn í stöðunni. Val í lið fer þannig fram að stigahæsti þátttakandinn í mótinu verður í liði með þeim stigalægsta og svo koll af kolli.

Íslandsmótið er liður í uppskeruhátíð félagsins sem hefst kl. 14 og eru allir velkomnir meðan húsrúm leyfir.  Nánari upplýsingar um uppskeruhátíðina eru hér að neðan.