Mótaröðin:

79 vinningar Jóns Kristins!

Þannig lítur samanlagður árangur Jóns Kristins Þorgeirssonar á mótaröð SA nú í haust út. Yfirburðasigur, enda Jokko sá eini sem tefldi á öllum mótunum 8. Haki Jóhannesson tefldi á 7 mótum og tveir Sigurðar báðir á 6 mótum, auk Andra Freys. En nú liggja heildarúrslit fyrir (samanlagðir vinningar á 8 mótum raðarinnar) og eru eru nöfn 10 efstu birt hér, en alls komu 19 skákmenn við sögu í röðinni að þessu sinni.

Jón Kristinn Þorgeirsson         79

Sigurður Arnarson                  50

Haki Jóhannesson                  44,5

Sigurður Eiríksson                  44

Áskell Örn Kárason                39,5

Andri Freyr Björgvinsson        35

Sveinbjörn Sigurðsson           29,5

Atli Benediktsson                   21

Smári Ólafsson                       19,5

Tómas V. Sigurðarson            17

Á lokamótinu, sem teflt var í gærkveldi, marði Áskell sigur, sjónarmun á undan Jóni Kristni. Tómas varð þriðji og Sigurður faðir hans fjórði. Andri náði fimmta sætinu og í því sjötta varð Haki Jóhannesson. Gífurleg spenna ríkti á skákstað, en það lá mjög nærri að sheriff Eiríksson næði að stugga rjúpnaskyttunni Jóhannesson úr 3. sætinu. Þegar upp var staðið munaði aðeins 1/2 vinningi, þeim síðarnefndar í vil.