Skylduleikjamót

Á sunnudaginn fer fram skylduleikjamót í húsakynnum Skákfélagsins. Í hverri umferð hefst taflið á nýrri stöðu. Stöðurnar komu allar upp í minningarmóti um fyrrverandi heimsmeistara, Mikael Tal, sem haldið var nýlega í Moskvu. Það mun vera sterkasta skákmót sem nokkurn tíman hefur verið haldið í heiminum ef miðað er við alþjóðleg elóstig. 

Mótið hefst kl. 13.00 og fær hver keppandi 10 mínútna umhugsunartíma á skák. Á milli umferða verður sagt stuttlega frá minningarmótinu.