KEA veitir skákstyrki

Þriðjudaginn 23. nóvember voru veittir styrkir úr Menningar- og viðurkenningasjóði KEA. Samtals voru veittir 38 styrkir að fjárhæð 6,1 milljón króna og komu tveir af þeim til góða fyrir Skákfélagið. Yngsti styrkþeginn var Jón Kristinn Þorgeirsson sem fékk 125.000 krónur í flokknum Ungir afreksmenn og munu þessir peningar koma sér vel fyrir Jokkó svo  hann eigi hægara með að sækja mót. Að auki fékk Skákfélag Akureyrar 150.000 krónur út flokknum Almennir styrkir. Upphæðina á að nota til að kaupa skjávarpa sem mun nýtast félaginu vel á fyrirlestrum og æfingum. Auk þess opnast þarna möguleiki á að sýna skákviðburði í beinni útsendingu í húsakynnum félagsins.

Skákfélagið þakkar hér með KEA fyrir báða þessa styrki.