Haustmótið:

Yfirburðasigur Jóns Kristins. 

Sjöundu og síðustu umferð haustmótsins lauk í kvöld. Úrslitin urðu þau að Jón Kristinn vann Smára, Jakob Sævar vann Herstein og Sigurður og Sveinn gerðu jafntefli. Þá gaf Haukur skák sina við Andra Frey án taflmennsku. Jón Kristinn Þorgeirsson hlýtur því í fyrsta sinn sæmdartitilinn "skákmeistari Skákfélags Akureyrar" og mun hann vera yngsti meistari félagsins frá upphafi, aðeins 12 ára gamall.  Þetta er því sögulegur áfangi fyrir hinn unga meistara og stór viðburður í sögu félagsins.

Við færum hinum unga meistara hjartanlegar hamingjuóskir með árangurinn!

			1	2	3	4	5	6	7	8	vinn
1	Jón Kristinn Þorgeirsson	1609		½	1	1	1	1	1	1	6½
2	Sigurður Arnarson	1931	½		½	½	½	½	1	1	4½
3	Smári Ólafsson	1875	0	½		1	1	0	1	1	4½
4	Jakob Sævar Sigurðsson	1713	0	½	0		½	1	1	1	4
5	Andri Freyr Björgvinsson	1301	0	½	0	½		1	½	1	3½
6	Sveinn Arnarsson	1781	0	½	1	0	0		0	1	2½
7	Hersteinn Heiðarsson	1230	0	0	0	0	½	1		1	2½
8	Haukur Jónsson	1429	0	0	0	0	0	0	0		0

Eins og taflan ber með sér var sigur Jóns mjög öruggur og fékk hann tveimur vinningum meira en næstu menn. Reyndar var sigurinn ekki vís fyrr en í kvöld, þar sem Smári gat náð honum að vinningum með sigri í innbyrðis skák. Báðir lögðu mikið í skákina og virtist Smári hafa heldur betra tafl um tíma; en Jón sneri á hann í jafnteflislegri stöðu í lokin og vann.  

Chess-Results