Góður árangur á Framsýnarmóti

Um helgina héldu Goðamenn meistaramót sitt á Húsavík, kennt við verkalýðsfélagið Framsýn, sem er dyggur stuðningsaðili félagsins og lætur því meðal annars í té fyrirtaks aðstöðu. Meðal keppenda á mótinu var Sigurður Arnarson stjórnarmaður í SA og skákmeistari félagsins. Hafði hann í för með sér fjóra nemendur sína sem hann þjálfar í framhaldsflokki hjá SA. Náðu þeir allir prýðilegum árangri og þá einkum Jón Kristinn, sem hafnaði í 3-4. sæti og Andri Freyr sem var sá eini sem náði jafntefli við sigurvegara mótsins, Sigurð Daða Sigfússon. Vakti þetta mikla athygli þar sem rúm 1000 skákstig skilja þá að, Sigurð Daða og Andra.

Nánari umsjöllun má sjá á heimasíðu Goðans, Skákhorninu og í bráðskemmtilegu viðtali við Sigurð í morgunútvarpi Rásar 1.

Myndin með fréttinni er svo tekin ófjálsri hendi af Goðasíðunni.