Opið hús á morgun: Skákfélagið gegn Westerinen!

Dagskrá okkar með hin vikulegu opnu hús hefst á morgun. Taflsveltir félagar geta þá tekið skák, en einnig býðst gestum opna hússins að fara yfir tvær skákir á Norðurlandamóti öldunga sem nú stendur yfir í Reykjavík eins og sjá má hér á síðunni. Félagar Sigurður Eiríksson og Ólafur Kristjánsson áttu báðir unnið tafl gegn ríkjandi Norðurlandameistara, finnska stórmeistaranum Heikki Westerinen, en misstu niður í jafntefli. Áskell Örn hefur skoðað skákirnar nánar með aðstoð Rybku og kann frá ýmsu að segja um það hvernig okkar menn misstu báðir sama stórlaxinn!