Norðurlandamót öldunga

Norðurlandamót öldunga hófst í dag og á meðal keppenda eru fimm kappar úr Skákfélagi Akureyrar. Þeir stóðu sig með sóma í dag og fengu 4 vinninga af 5 mögulegum og tveir af þeim verða í beinni útsendingu á morgun. Úrslit okkar manna í dag urðu sem hér segir (stig í sviga)

Jón Þ. Þór (2188) vann Norðmanninn Tore H. Lovaas (1857) örugglega í 23 leikjum og fær Halldór Garðarsson  (1950) í næstu umferð. 

Ólafur Kristjánsson 2173) lagði Danann John Zach (1846) og mætir Einari S. Guðmundssyni (1713) á morgun.

Þór Valtýsson (2041) mátaði sænska skákmanninn Anders Hansen (1723) og etur kappi við danska Fidemeistarann Jorn Sloth (2328) á morgun í beinni útsendingu á Netinu, enda er Daninn 5. stigahæsti keppandinn í mótinu.

Sigurður Eiríksson vann Egil Sigurðsson (1475) og teflir við norska Fidemeistarann Erling Kristiansen (2220) í 2. umferð í beinni útsendingu. Norðmaðurinn er 7. stigahæsti keppandi mótsins. 

Sveinbjörn Sigurðsson (1867) tapaði fyrir Braga Halldórssyni (2198) og etur kappi við Svíann  Åke Nils Malmdin (2307) á morgun. Svíinn er 6. stigahæsti keppandinn í mótinu. Hér má fylgjast með á morgun.http://skaksamband.is/?c=webpage&id=460