Barna- og unglingastarf félagsins að hefjast

  Skákæfingar fyrir börn og unglinga (7-16 ára) munu hefjast í annarri viku septembermánaðar. Æft verður bæði í almennum flokki og framhaldsflokki.  

 Æfingatímar verða vikulega í hvorum flokki og aukaæfing ef þátttaka verður næg.  

Skráning verður í Skákheimilinu (Íþróttahöllin – gengið inn að vestan) milli 17 og 19 mánudaginn 5. september, en einnig er hægt að skrá sig með því að senda tölvupóst til formanns á [e-mail].  

Æfingagjald fyrir haustmissiri er kr. 4000 og fylgir því réttur til þátttöku á öllum mótum hjá félaginu, án endurgjalds, m.a. mánaðarlegum unglingamótum.  

Skák er skemmtilegur og þroskandi leikur. Unglingar úr Skákfélaginu náðu frábærum árangri á síðasta keppnistímabili. Úr okkar röðum komu:-         

Íslandsmeistari í piltaflokki-          Íslandsmeistari í drengjaflokki-          Íslandsmeistari í skólaskák, báðum flokkum!-          Sigurvegari á ungmennalandsmóti-          Silfurlið á Íslandsmóti unglingasveita 

Við viljum gjarnan halda þessari sigurgöngu áfram, en við mælum líka árangurinn í fjölda þátttakenda, þeim þroskamöguleikum og þeirri ánægju sem skákiðkunin veitir. Þessvegna hlökkum við til starfsársins sem framundan er!