Skákfélagið úr leik í hraðskákkeppninni

Skákfélagsmenn mætti Taflfélagi Reykjavíkur í 8-liða úrslitum keppninnar sl. mánudagskvöld. Okkar menn gerðu sér vonir um að geta klekkt á hinu forna stórveldi, en til að svo mætti verða mátti ekkert fara úrskeiðis.  Viðureignin var í járnum framanaf og jafnt í hálfleik 18-18. Það ríkti því bjartsýni í okkar röðum í hléinu, enda ljóst að ýmsir liðsmenn höfðu ekki enn náð að sýna sitt besta. Okkur þraut hinsvegar örendið þegar á reyndi og Reykvíkingar náu undirtökunum; juku forskot sitt jafnt og þétt og unnu að lokum nokkuð öruggan sigur 41-31.

Frammistaða einstakra liðsmanna varð sem hér segir:

• Jón Garðar Viðarsson 7/12
• Halldór Brynjar Halldórsson 6,5/12
• Stefán Bergsson 6,5/12
• Áskell Örn Kárason 4,5/11
• Gylfi Þórhallsson 4,5/12
• Þór Valtýsson 1/2
• Jón Þ. Þór 1/11