Tveimur skólaskákmótum nýlokið:

Jón Kristinn skólameistari Lundarskóla
Hersteinn og Logi efstir á skólamóti Glerárskóla.

Skólamót Lundarskóla fór fram 24. mars sl. og voru keppendur 15.
Eins og búast mátti við vann Jón Kristinn Þorgeirsson mótið örugglega, sigraði í öllum sínum skákum, 5 að tölu. Jón er nemandi í 5. bekk. Þessir komu næstir:

2-3. Ísak Freyr Valsson og Bjarki Kjartansson, 10. bekk 4 v.
4-8. Svavar Kári Grétarsson, Ólafur Pétur Ólafsson, Otto Tulinius, Bjarki Snær Kristjánsson, 10. bekk og Steinar Gauti Þórarinsson, 9. bekk fengu allir 3 vinninga.

Ísak Freyr hreppti sigurinn í eldri flokki, var ofan við Bjarka á stigum. Jón Kristinn vann að sjálfsögðu yngri flokkinn, en þar varð Anna Mary Jónsdóttir í 3. bekk önnur með 2,5 vinning.

Mótið í Glerárskóla fór fram 31. mars. Þar voru keppendur 18. Þeir Hersteinn Bjarki Heiðarsson og Logi Rúnar Jónsson (báðir í 9.bekk) urðu efstir og jafnir með 4,5 vinning, en 3. varð Aron Elvar Finnsson, 8. bekk, með 4 vinninga. Í yngri flokki urðu þau Hermann Helgi Rúnarsson, Halldór Niels Björnsson og Guðný Rún Ellertsdóttir jöfn með 2 vinninga, en þau eru öll í 5. bekk.