Skólaskákmót Brekkuskóla

Skólaskákmót Brekkuskóla var háð í gær 28. febrúar. Keppendur voru 12, og komu úr 3, 7. og 8. bekk.

Telfdar voru 5. umferðir og urðu úrslit þau að sigurvegari varð Aðalsteinn Leifsson, 7. bekk sem vann allar sínar skákir og fékk því 5 vinninga. Annar varð Óliver Ísak Ólason, 3. bekk, með 4 vinninga og jafnir í 3-6. sæti með 3 vinninga urðu þeir Magnús Mar Võljaots, Friðrik Jóhann Baldvinsson, Kristján Blær Sigurðsson, allir í 8. bekk  og Ragnar Smári Ómarsson, 7. bekk.

Aðalsteinn Leifsson er því skólaskákmeistari Brekkuskóla árið 2011. Hann bar jafnframt sigur úr býtum í yngri flokki (1-7. bekk) og vann sér rétt til þátttöku þeim flokki á skólaskákmóti Akureyrar sem verður háð síðar í vetur. Þá vekur athygli góður árangur Ólivers Ísaks, sem aðeins er 8 ára gamall.

Sigurvegari í eldri flokki varð Magnús Mar Võljaots, sem varð jafn þeim Friðriki Jóhanni og Kristjáni Blæ að vinningum en hafði betur eftir stigaútreiking. Magnús hefur því unnið sér rétt til þátttöku í eldri flokki á skólaskákmóti Akureyrar 2011.