Jón Kristinn á Norðurlandamót í skólaskák.

Jón Kristinn Þorgeirsson, sem nú hampar Íslandsmeistaratitli í piltaflokki (13ára og yngri), teflir nú um helgina á Norðurlandamótinu í skólaskák sem fram fer í Oslo. Mótið hefst kl. 10 á föstudagsmorgun og verður hægt að fylgjast með því á heimasíðu mótsins: http://sjakkselskapet.no/nordisk-for-ungdom-2011/.

Jón Kristinn teflir í D flokki (11-12 ára) og er á fyrra ári sínu í flokknum. Hann er 8. í stigaröð 12 keppenda, svo búast má við þungum róðri, enda sá stigahæsti í flokknum með nærri 2100 stig. Við sem þekkjum okkar mann vitum hinsvegar að á góðum degi getur hann unnið hvern sem er. Það yrði frábært ef Jón yrði fyrir ofan miðju í sínum flokki og verðlaunasæti er ekki útilokað ef hann nær að sýna sitt besta.