Sigurður Arnarson heldur fyrirlestur fimmtudaginn 3. febrúar

Fyrsta fimmtudag hvers mánaðar eru haldnir fyrirlestrar í húsakynnum Skákfélags Akureyrar.

Fyrsta fimmtudag febrúarmánaðar (3. febrúar) verður fjallað um skákir sem íslenskir skákmenn tefldu árið 2010 og voru tilnefndar sem skák ársins í kosningum sem haldnar voru  á Skákhorninu í upphafi árs.

Fyrirlesturinn heldur Sigurður Arnarson.

Lenka Ptacnikova hlaut flest atkvæði í kosningunum fyrir glæsilega skák sem hún tefldi á Ólympíumótinu í Khanty-Mansiysk í haust. Skákir Braga Þorfinnssonar, Jóhanns Hjartarsonar og Þrastar Þórhallssonar urðu í 2.-4.sæti.