Áskell Örn efstur á 15 mínútna móti

Í dag fór fram 15 mínútna mót hjá félaginu. Tíu skákmenn mættu til leiks að þessu sinni og tefldu sjö umferðir eftir monrad-kerfi.

Mótið endaði þannig að Áskell Örn Kárason kom fyrstur í mark með 6½ vinning, Smári Ólafsson var annar með 6 vinninga og Mikael Jóhann Karlsson var í þriðja sæti með 4½ vinning.

Enginn skortur var á fjölbreytni þegar kom að taflmennskunni. Fjölbreytnin gekk reyndar svo langt að sumir hverjir reyndu fyrir sér í nýrri útfærslu af mannganginum. 

Lokastaðan:

Áskell Örn Kárason                           6½ af 7.
Smári Ólafsson                                  6
Mikael Jóhann Karlsson                     4½
Tómas Veigar Sigurðarson                 4
Rúnar Ísleifsson                                 3½
Jón Kristinn Þorgeirsson                    3
Sigurður Eiríksson                             2½
Ari Friðfinnsson                                 2
Sveinbjörn Sigurðsson                       2
Karl Egill Steingrímsson                    1

Næst á dagskránni er næstsíðasta umferð mótaraðarinnar, fimmtudagskvöldið 9. desember kl. 20.