Haustmót Taflfélags Reykjavíkur - þrír skákfélagsmenn taka þátt

Haustmót er ekki eingöngu haldið á Akureyri þessa daganna. Hjá Taflfélagi Reykjavíkur fer fram Haustmót sem jafnframt er 110 ára afmælismót félagsins. 
Þrír félagsmenn í S.A. taka þátt í mótinu; Gylfi Þórhallsson tekur þátt í A flokki og Þór Valtýsson og Stefán Bergsson taka þátt í B flokki.

Gylfi Þórhallsson hefur átt nokkuð gott mót, m.a. gert jafntefli við stórmeistarann Þröst Þórhallsson og var óheppinn að vinna ekki skák sína gegn Sigurbirni Björnssyni. Í dag vann Gylfi svo Haukamanninn Þorvarð Fannar Ólafsson. Gylfi hefur 2½ vinning og er sem stendur í 3. sæti.

 Úrslit Gylfa:

1.  Umferð – jafntefli við Sverri Örn Björnsson

2.  Umferð – jafntefli við stórmeistarann Þröst Þórhallsson

3.  Umferð – jafntefli við Sigurbjörn Björnsson

4.  Umferð – vann Þorvarð Fannar Ólafsson

Stefán Bergsson og Þór Valtýsson tefla sem fyrr segir í B flokki. Stefán hefur farið mikinn og leiðir flokkinn með 3½ vinning að loknum fjórum umferðum. Skák Stefáns úr 2. umferð við alþjóðameistarann Sævar Bjarnason hefur vakið sérstaka athygli.

 

Úrslit Stefáns:

1.  Umferð – vann Kristján Örn Elíasson

2.  Umferð – vann SævarBjarnason

3.  Umferð – jafntefli við Ögmund Kristinsson

4.  Umferð – vann Jóhann Ragnarsson

Þór Valtýsson hefur náð sér á strik eftir að hafa verið nokkuð brokkgengur í upphafi móts. Þór vann Kristján Örn Elíasson í dag og er sem stendur í 4. sæti með 2½ vinning.

 

 
Úrslit Þórs:

1.  Umferð – jafntefli við Örn Leó Jóhannsson

2.  Umferð – tap gegn Jorge Rodriguez Fonseca

3.  Umferð – vann Magnús Magnússon

4.  Umferð – vann Kristján Örn Elíasson

 

• Haustmót T.R.hjá Chess-Results
• Heimasíða mótsins
• Skákir mótsins