Minningarmót um Margeir Steingrímsson.

sunnudagur 6.jún.10

Keppendur og skákstjóri.

Gylfi Þórhallsson sigraði á minningarmótinu sem lauk í dag, en hann fékk 6. vinninga af 7. Ólafur Kristjánsson og Stefán Bergsson urðu jafnir í 2. - 3. sæti með 5 vinninga. Tíu ára drengur Jón Kristinn Þorgeirsson náði frábærum árangri hafnaði í 5.-6. sæti með 4. vinninga.

Ungu drengirnir létu míkið á sér kveða í síðustu umferð. Úrslit í 7. og síðustu umferð urðu þessi: Gylfi náði jafntefli við hinn stórefnilega dreng Jón Kristinn Þorgeirsson sem er tíu ára, Gylfi var lengi með peði undir. Mikael Jóhann Karlsson var með betra þegar hann samdi jafntefli við Stefán Bergsson, og Andri Freyr Björgvinsson gerði jafntefli við Sigurð Arnarson og Hjörtur Snær Jónsson veitti Tómasi Veigari Sigurðssyni mikla mótsspyrnu, en varð að lúta gras að lokum. Þór Valtýsson vann öruggan sigur gegn Óskari Long og Ólafur Kristjánsson vann góðan sigur gegn Sigurði Eiríkssyni.                Loka staðan á mótinu: 

		skákstig	vinn	stig
1.	Gylfi Þórhallsson	2150	6	af 7.
2.	Ólafur Kristjánsson	2115	5	29,5
3.	Stefán Bergsson	2065	5	25,5
4.	Þór Valtýsson	2045	4,5	23,5
5.	Tómas Veigar Sigurðarson	1845	4	24
6.	Jón Kristinn Þorgeirsson	1505	4	22,5
7.	Sigurður Arnarson	1915	3,5	24
8.	Mikael Jóhann Karlsson	1705	3,5	22,5
9.	Sigurður Eiríksson	1840	3	27
10.	Andri Freyr Björgvinsson	1200	2,5	21
11.	Hjörtur Snær Jónsson	1450	1	22,5
12.	Óskar Long	0	0	23

Veitt voru ýmis aukaverðlaun: Verðlaunagripir.  Ölungaverðlaun 60 ára og eldri: Þór Valtýsson.

Unglingaverðlaun: 1. Jón Kristinn Þorgeirsson. 2. Mikael Jóhann Karlsson. 3. Andri Freyr Björgvinsson.

Stigaflokkur 2000 stig og minna: Tómas Veigar Sigurðarson.

------------- 1700 stig og minna: Hjörtur Snær Jónsson.

Bókaverðlaun fengu Sigurður Arnarson, Sigurður Eiríksson og Óskar Long. Sem sagt allir keppendur fengu verðlaun!   Skákstjóri var Ari Friðfinnsson. Að loknu verðlaunaafhendingu var kaffisamsæti með smurðu brauði og heima bakað tertur sem María Stefánsdóttir sjá af miklum myndarskap.