Alþjóðlega unglingamót Taflfélagsins Hellis 2010.

sunnudagur 10.jan.10

Mikael Jóhann Karlsson hafnaði í 4. - 7. sæti með fjóra vinninga á alþjóðlegu unglingamóti Taflfélags Hellis sem lauk í dag í Kópavogi, en tveir keppendur frá Akureyri kepptu á mótinu. Jón Kristinn Þorgeirsson fékk 1,5 vinning. Það var Hallgerður Þorsteinsdóttir úr Taflfélagi Hellir sem sigraði á mótinu fékk 5 vinninga af 6.  Þessi góða frammistaða Mikaels skilar honum ca tíu stiga hækkun á alþjóðlegum stigum, en hann fékk 0,63 vinninga umfram sem hann þurfti að fá. Meðaltal stig andstæðinga hans voru 1650, en hann er með 1714 alþjóðleg stig. Jón Kristinn var með hærri meðaltal en Mikael, en þau voru 1670 en samt var Mikael með fleiri vinninga en Jón út allt mótið!  Jón Kristinn er með 1647 alþjóðleg stig en hann lækkar aðeins á stigum eftir þetta mót.

Mikael tefldi við stigahæsta keppandann í fyrstu umferð, Olofsson Dolk Mattis (1987) frá Svíþjóð og var það eina tapskák Mikaels í mótinu. Hann gerði jafntefli við Jóhönnu Björk Jóhannesdóttir (1705) í 2. umferð og Nökkva Sverrisson (1784) í 4. umf. Hann vann Dag Kjartansson (1485) í 3. umf., Brynjar Steingrímsson (1437) í 5. umf. og vann góðan sigur gegn íslandsmeistaranum í drengjaflokki, Pál Andrasyni (1587) í 6. og í síðustu umferð.

Andstæðingar Jóns Kristins voru: Helgi Brynjarsson (1964), Brynjar Steingrímsson (1437), Berggrem Torell Har (1983) frá Svíþjóð, Emil Sigurðarson (1609), Eiríkur Örn Brynjarsson (1653) og Birkir Karl Sigurðsson (1446). Jón vann Brynjar og gerði jafntefli við Birkir Karl. Jón var með gjörunnið tafl gegn Emil þegar hann lék af sér heilum hrók, en fyrr í skákinni fléttaði Jón mjög skemmtilega og fékk vinningsstöðu upp úr því. Þetta tap var því mjög slysalegt en skákin var tefld í 4. umferð.  Þeir verða báðir reynslunni ríkari eftir þetta mót og er góður undirbúningur fyrir þá sem framundan er hjá þeim á næstunni.