Hraðskákkeppni skákfélaga 2009.

föstudagur 21.ágú.09

Halldór Brynjar Halldórsson.

        Akureyringar lögðu Garðbæinga   Skákfélag Akureyrar vann yfirburða sigur, 58-14, í 2. umferð Hraðskákkeppni taflfélaga í viðureign félaganna sem fram fór í Garðabæ í gær. Staðan í hálfleik var 32-4.  Halldór Brynjar Halldórsson var bestur Akureyringa en hann fékk fullt hús, og Jón Þ Þór fékk 11 v.  Formaður TG, Páll Sigurðsson, fór fyrir sínum mönnum og fékk flesta vinninga heimamanna eða 4 samtals.  

Akureyringar unnu fyrstu 4 umferðirnar 6-0 og það var ekki fyrr en í 5 umferð að fyrstu vinningar TG litu dagsins ljós. Það var jafntefli Baldurs Möllers gegn Sigurjóni Sigurbjörns og sigur Páls gegn Stefáni Bergs ásamt sigri Þorláks gegn Þór Valtýs sem breyttu heldur niðurstöðunni. Eftir það fengu TG menn amk. hálfan vinning í hverri umferð.

Skákfélag Akureyrar er  komið í undanúrslit keppninnar ásamt Taflfélagi Reykjavíkur og Taflfélagi Bolungarvíkur. Taflfélag Hellir og Taflfélag Hauka eru ekki búnir að eigast við í átta liða úrslitum.,

Árangur einstakra skákmanna.

Lið Skákfélags Akureyrar
Halldór Brynjar Halldórsson 12 vinningar af 12.
Jón Þ Þór 11 vinningar
Áskell Örn Kárason 10 vinningar
Stefán Bergsson 10 vinningar
Sigurjón Sigurbjörnsson 8 vinningar
Þór Már Valtýsson 7 vinningar.

Lið TG.
Páll Sigurðsson 4 vinninga af 12
Baldur Möller 3,5 vinninga
Björn Jónsson 2,5 vinninga
Þorlákur Magnússon 2 vinninga
Svanberg Pálsson 1 vinning,
Sigurjón Haraldsson 1 vinning.

Halldór Brynjar Halldórsson er með fullt hús í hraðskákkeppni taflfélaga að loknum tveim umferðum, hefur fengið 24 vinninga úr 24 skákum. Stórglæsilegt!!  Stefán Bergsson hefur hlotið 22 v. Sigurjón Sigurbjörnsson 19 v., Jón Þ Þór 19 v., og Þór Valtýsson 16,5 v.