Skákþing Norðlendinga 2008

þriðjudagur 15.apr.08 17:16

Arnar,Sævar,Henrik,Ulker,Stefán og Unnar formaður Taflfélags Sauðárkróks.

Stefán Bergsson og Ulker Gasanova urðu skákmeistarar Norðlendinga 2008. Stórmeistarinn Henrik Danielsen  sigraði  á Skákþingi Norðlendinga sem fram fór um sl.helgi í Bakkaflöt í Skagafirði.  Henrik fékk 7 vinninga af 7!  Í 2.-3. sæti urðu Arnar Þorsteinsson og Sævar Bjarnason alþjóðlegur meistari með 5 vinninga.  Í 4.-5. sæti urðu svo Stefán Bergsson, Akureyri   og Gylfi Þórhallsson með 4,5 vinning. Sá fyrrnefndi er hærri á stigum og varð því skákmeistari Norðlendinga 2008. Þrír efstu keppendurnir eiga ekki lögheimili á Norðurlandi og kom því hlut Stefáns að vera skákmeistari Norðlendinga. Ulker Gasanova varð skákmeistari kvenna á Skákþinginu.

Lokastaðan:

Henrik Danielsen 7 v.  Arnar Þorsteinsson (24,5 stig) Sævar Bjarnason (24 stig) og 5 v.

Stefán Bergsson (25 stig) Gylfi Þórhallsson  (22 stig) 4 1/2 v

Áskell Örn Kárason, Sigurður Arnarson, Þór Valtýsson, Einar K Einarsson, Tómas Veigar Sigurðsson, Jakob Sævar Sigurðsson 4

Sigurður H. Jónsson, Unnar Ingvarsson, Sveinbjörn Sigurðsson 3 1/2 v

 Sigurður Eiríksson, Mikael Jóhann Karlsson, Jón Arnljótsson, Sindri Guðjónsson, Kjartan Guðmundsson,  3 v    Ármann Olgeirsson 2 1/2 v

Ulker Gasanova, Hörður Ingimarsson og Davíð Örn Þorsteinsson 2 v

Sérstök verðlaun fyrir besta árangur skákmanna undir 2000 stigum hlutu Sigurður Arnarson og Tómas Veigar Sigurðsson með 4 v. og undir 1800 stigum kom í hlut  Jakob Sævar Sigurðsson frá Siglufirði. sem hlaut 4 vinninga. Aðeins þrír unglingar undir tvítugt tóku þátt í mótinu, einn heimamaður og tveir frá Akureyri og voru þau ávalt að tefla við mun stigahærri andstæðinga og meiga þau vel við una við árangurinn.

Áskell Örn Kárason varð hraðskákmeistari Norðlendinga en hann fekk fullt hús 9 v. af 9! Í öðru sæti varð Arnar Þorsteinsson með 7 vinninga og þriðji Þór Valtýsson með 5,5 vinninga.

Í 4-7 sæti urðu Stefán Bergsson, Sigurður Arnarson, Jakob Sævar Sigurðsson og Sigurður Eiríksson með 5 vinninga. Í 8-9 sæti urðu Tómas Veigar Sigurðsson og Unnar Ingvarsson með 4 1/2 vinning. Í 10-12 sæti urðu Sveinbjörn Sigurðsson, Karl Steingrímsson og Haki Jóhannesson með 4 vinninga. Aðrir fengu minna, en keppendur voru 16. Skákstjóri á Skákþinginu var Ólafur Ásgrímsson og fór mótið mjög vel fram og næsta Norðurlandsmót fer fram á Akureyri að ári.