Næstu mót

Það er nóg um að vera í Skákheimilinu á næstunni. Við ætlum að tefla atskák (8-3) á miðvikudaginn 2. apríl og svo verður stórt og mikið svæðismót í skólaskák á föstudaginn.
Eins og venjulega eru mótin okkar opin öllum, nema barnamótin sem miða við börn á grunnskólaaldri. 
Sé ekkert annað tekið fram er 700 kr. borðgjald fyrir hvert mót, en börn sem greiða æfingagjald eru undanþegin. 

Skáklíf í Brekkuskóla

Í Brekkuskóla hefur Skákfélagið staðið fyrir reglulegri skákkennslu nú í vetur eins og undanfarin ár, enda er það eitt af hlutverkum félagsins skv. samningi þess við Akureyrarbæ. Nú í marsmánuði var skólamótið haldið og tóku alls þátt 32 nemendur og komust færri að en vildu. Skólastjórinn, Jóhanna María Agnarsdóttir var meðal áhorfenda á mótinu og afhenti þrenn verðlaun að því loknu. Verðlaunahafar eru (f.v.) Nökkvi Már Valsson (fyrir yngsta stig, 1-4.bekk), Baldur Thoroddsen (elsta stig, 8-10. bekk) og Valur Darri Ásgrímsson (miðstig). 

Seinna í vikunni munu þeir Baldur og Goði Svarfdal Héðinsson tefla til úrslita um sjálfan meistaratitil skólans.
Þeir nemendur sem höfnuðu í átta efstu sætunum á mótinu voru þessir:
Baldur Thoroddsen 10.bk. 6 vinninga
Nökkvi Már Valsson 4. bk og Valur Darri Ásgrímsson 7. bk. 5 vinninga. 
Nokkuð margir keppendur fengu 4 vinninga, en stigahæstir þeirra voru Tobias Þórarinn Matharel, Emil Andri Davíðsson, Ágúst Leó Sigurfinnsson og Goði Svarfdal Héðinsson úr 10. bekk ásamt Björgvin Elvari Björgvinssyni úr 4. bekk. 
Þessir tóku svo þátt í úrslitakeppninni. Fresta þurfti lokaeinvíginu þar sem annar keppandinn þurfti að mæta í ökutíma(!), en einvígið mun fara fram nú í vikunni sem áður segir.