Jón Kristinn Þorgeirsson Íslandsmeistari í netskák

Frábær árangur Akureyringa;Þrír Íslandsmeistarar í netskák!

Akureyringurinn knái.Jón Kristinn Þorgeirsson sigraði af fádæma öryggi í Íslandsmótinu í netskák sem fram fór sunnudaginn 15 janúar.

Jón var í algjörum sérflokki á mótinu.Hann fékk 10 1/2 vinning í 11 skákum,1 1/2 vinning meira en næsti maður.Leyfði aðeins eitt jafntefli gegn fráfarandi sexföldum íslandsmeistara,FIDE meistaranum Davíð Kjartanssyni.Magnús örn Úlfarsson FIDE meistari varð í öðru sæti með 9 vinninga og Davíð í þriðja með 8 vinninga.

57 keppendur tóku þa´tt og voru sex aukaverðlaun veitt í jafnmörgum flokkum,tvenn þeirra hlutu íbúar Akureyrar.Elsa maría Kristínardóttir sigraði af miklu öryggi í kvennaflokki,hún fékk 7 vinninga og lenti í 8.sæti í heildarmótinu.

FIDE meistarinn Áskell örn Kárason formaður skákfélags Akureyrar,stóð sig best í flokki 60 ára og eldri.Hann fékk sjö vinninga og endaði í 7.sæti í mótinu.

Nokkrir fleiri íbúar bæjarins,sem og brottfluttir félagar í skákfélaginu tóku einnig þátt.Sem dæmi má nefna Arnar Þorsteinsson með 7 vinninga,hálfum vinning meira en Halldór Brynjar Halldórsson sem endaði í 10.sæti.

Í fyrstu 10 sætunum enduðu 4 félagsmenn í SA auk Elsu Maríu sem teflir mikið á vegum félagsins.

Fréttaritari óskar Öllu þessu fólki til hamingju.

Allt "bók" nema Sveinbjörn!

Önnur umferð Skákþings Akureyrar var telfd í gær, sunnudag. Úrslit urðu þessi:

Jón Kristinn-Tómas Veigar 1-0
Andri-Hreinn              1-0
Fannar-Karl               0-1
Sveinbjörn-Haraldur       1-0
Heiðar-Alex               0-1
Gabríel-Ulker             0-1

Hér voru flest úrslit eins og við mátti búast skv. stigum, að undanskilinn skák Sveinbjörns og Haraldar. Þar spennti sá síðarnefndi bogann fullmikið í vinningstilraunum og var refsað grimmilega, enda Sveinbjörn miskunnarlaus við slíkar aðstæður. Skák Jóns Kristins og Tómasar virtist tvísýn í upphafi miðtafls, en eftir mistök hins síðarnefnda náði Akureyrarmeistarinn slíku taki á stöðunni að ekki varð rönd við reist. Andri vann og öruggan sigur; þjarmaði hægt og bítandi að Hreini sem missti endanlega tökin í tímahraki í lokin. Fannar Breki byggði upp mjög vænlega stöðu gegn Karli, en sást yfir taktískar brellur andstæðingsins og fékk þá á sig óstöðvandi sókn. Hér hafði reynslan sitt að segja, en Karl hefur sextíu ára forskot í því efni. Í skák Heiðars og Alex var staðan lengi tvísýn með jöfnum möguleikum; Alex fórnaði svo manni fyrir óljós færi og nokkur peð. Eftir því sem peðum Heiðars fór fækkandi jukust sigurvonir andstæðingsins, og þegar umframpeðin voru orðin fimm og eitt þeirra stefndi ljóslega upp í borð, lagði Heiðar niður vopnin.   Loka var það skák Gabríels og Ulker; þar sem svartur (svört?) jafnaði taflið auðveldlega og fékk betri stöðu, en nafni erkiengilsins hóf þá stórhættulegar sóknaraðgerðir. Svört brást við með gagnsókn sem ekki fékkst við ráðið og endaði sú glíma með máti. 

Að loknum tveimur umferðum eru fjórir keppendur nú með fullt hús, Jón Kristinn, Andri, Sveinbjörn og Karl. Þriðja umferð verður tefld nk. sunnudag og þá eigast við:

Sveinbjörn og Jón Kristinn

Karl og Andri

Haraldur og Ulker

Tómas og Alex

Gabríel og Fannar

Hreinn og Ágúst Ívar

Heiðar situr hjá

Jón Kristinn heldur áfram uppteknum hætti

Í kvöld fór fram 1. umferð TM-mótaraðarinnar árið 2017. Fremur fámennt var í kvöld og má vera að íþróttaviðburðir dagsins hafi átt þar einhvern þátt.
Úrslit urðu sem hér segir:

Jón Kristinn Þorgeirsson	7
Sigurður Arnarson	6
Ólafur Kristjánsson	5
Smári Ólafsson	1,5
Alex C. Orrason	0,5