Haustmótið; Markús efstur

Úrslitakeppni haustmótsins stendur nú yfir og var þriðja umferð af fimm tefld í dag. Símon og Áskell gerðu jafntefli, en Markús vann Sigurð og Smári vann Sigþór. Markús er því einn efstur nú með 2. vinning, en Símon og Áskell koma næstir með 2 vinning. Allir eru þessir höfðingjar taplausir.  Fjórða umferð verður tefld á fimmtudag kl. 18.30 og eigast þá við:
Smári og Markús
Áskell og Sigurður
Sigþór og Símon

Aðalfundi lokið, ný stjórn tekur við.

Aðalfundur Skákfélagsins 2025 var haldinn þann 22. september. Fundurinn var boðaður með lögbundnum fyrirvara og aðalfundarstörf voru hefðbundin og eins og lög félagsins mæla fyrir um. Engar lagabreytingatillögur lágu fyrir fundinum og gekk hann greiðlega fyrir sig. Formaður kynnti skýrslu stjórnar sem þegar hafði verið birt hér á heimasíðunni. Þá gerði gjaldkeri grein fyrir reikningum sem voru samþykktir samhljóða. 
Ný stjórn var kjörin og er nú svo skipuð eftir að hafa skipt með sér verkum:
Áskell Örn Kárason, formaður 
Rúnar Sigurpálsson, varaformaður
Smári Ólafsson, gjaldkeri
Erla Rán Kjartansdóttir, ritari
Ásgrímur Örn Hallgrímsson, áhaldavörður
Stefán Steingrímur Bergsson, meðstjórnandi.
Þeir Andri Freyr Björgvinsson og Óskar Jensson sem voru í fráfarandi stjórn gáfu ekki kost á sér í þetta sinn, en þau Erla Rán og Ásgrímur voru kjörin í þeirra stað. Voru þeim þökkuð störf sín fyrir félagið. Aðrir stjórnarmenn voru endurkjörnir.  

Fundargerð aðalfundar 2024

Birt hér til kynningar fyrir aðalfundinn í kvöld.

Aðalfundur Skákfélags Akureyrar 26. september 2024

 

Fundur settur klukkan 20:15

 

1. Kosning fundarstjóra og fundarritara

Áskell Örn Kárason tilnefnir Sigurð Eiríksson sem fundarstjóra og Andra Frey Björgvinsson sem fundarritara. Sú tillaga er samþykkt.

 

2. Fundargerð síðasta aðalfundar kynnt

Fundargerðin liggur fyrir á heimasíðunni og var sett inn áður en fundur hófst.

 

3. Formaður flytur skýrslu stjórnar

Líkt og með fundargerðina hefur skýrsla stjórnar þegar verið birt á heimasíðu félagsins. Þykir formanni óþarfi að tíunda um hana á fundinum.

 

4. Gjaldkeri gerir grein fyrir reikningum félagsins

Rúnar Sigurpálsson, varaformaður, tekur til máls. Fyrir liggja gögn um fjármál félagsins en hér verður nefnt nokkuð af því sem tekið var sérstaklega fram.

Árið markast af ávöxtunarleiðum á eignum félagsins og eru fjármagnstekjur meiri en áður. Rekstrargjöld drógust saman um u.þ.b. 600.000 kr. og tekjur drógust saman um u.þ.b. hálfa milljón. Ástæða þess síðarnefnda er Skákþing Norðlendinga. Húsnæðiskostnaður er sambærilegur fyrra starfsári. Hagnaður S.A. á tímabilinu er 443.957 krónur. Eignir félagsins, áhöld og innbú metin á u.þ.b. 330.000 kr. Eignir eru samtals 8,2 milljónir, eigið fé 7,1 milljón og skuldir 1 milljón. Skuldirnar eru vegna Skákskóla Norðurlands og voru þær gerðar upp í sumar. Betri afkoma er af Minningarsjóðnum en árið áður. Hagnaður af honum er í kringum 50.000 kr.

 

 

 

5. Umræður um störf stjórnar og afgreiðsla reikninga

Reikningar félagsins eru samþykktir með öllum tilheyrandi atkvæðum. Einn sat hjá vegna þess að hann hafði ekki atkvæðisrétt.

 

6. Kosning stjórnar og annarra embættismanna

Rúnar Sigurpálsson stingur upp á Áskeli Erni Kárasyni í embætti formanns. Áskell er kjörinn formaður við lófaklapp. Nýendurkjörinn formaður tilnefnir stjórnarmenn. Rúnar Sigurpálsson, Benedikt Smári Ólafsson, Andri Freyr Björgvinsson, Óskar Jensson, Stefán Steingrímur Bergsson. Þessi stjórn er kjörin samhljóða og er skipuð sömu einstaklingum og starfsárið á undan.

 

7. Kosning tveggja endurskoðenda

Sveinn Torfi Pálsson og Kári Arnór Kárason endurkjörnir sem endurskoðendur. Samþykktir með lófaklappi.

 

8. Árstillag félagsmanna

Gjaldkeri félagsins leggur til að árstillag verð óbreytt, þ.e. 7.000 kr. Félagsmenn sem búa utan Akureyrar sem og þeir sem eru 70 ára og eldri greiða 3.500 kr. Samþykkt samhljóða.

Skáksamband Íslands (hér eftir S.Í.) hefur skipt sér af ársgjaldi félaganna og krefur S.Í. nú þá sem eru 18 ára og eldri, og hafa skákstig, um 6.000 kr. árgjald. Hluti þess á að renna til félags viðkomandi skákmann. Stjórn mun ræða næsta skref í þessum málum þegar betri upplýsingar fást frá S.Í.

 

9. Umræður um lög og keppnisreglur félagsins

Ekki hafa borist neinar tillögur um lagabreytingar.

 

10. Önnur mál

Engin önnur mál voru rædd en Áskell Örn, formaður, tekur til máls til að ljúka fundinum. Hann segir að starf félagsins heldur áfram með hefðbundnu sniði þó alltaf séu einhverjar breytingar frá ári til árs. Þungamiðjan í starfinu er að færast yfir á unglingastarfið.

 

Fundi slitið kl. 20:35.