Fjögur jöfn og efst á vormóti barna

Tefldar voru sex umferðir eftir svissnesku kerfi og lokastaða þessi:

Nafn	vinn
Harpa Hrafney Karlsdóttir	5
Nökkvi Már Valsson	5
Sigþór Árni Sigurgeirsson	5
Viacheslav Kramarenko	5
Valur Darri Ásgrímsson	4
Baltasar Bragi Snæbjörnsson	4
Tony Rafn Óskarsson	4
Galaad Eyvindur Helios Lanckman	3
David Sula	3
Kolbeinn Arnfjörð Elvarsson	3
Iraklis Hrafn Theodoropoulos	3
Þorleifur Karl Kárason	3
Skírnir Soigursveinn Hjaltason	3
Dominik Wladyslav Wielgus	3
Björgvin Elvar Björgvinsson	2½
Bergur Snær Sverrisson	2
Viktor Valur Décioson	2
Blær Thoroddsen	2
Elma Lind Halldórsdóttir	2
Jón Gauti Sverrisson	1½
Elín Stefanía Sigurðardóttir	1

Þau Harpa, Nökkvi, Sigþór og Viacheslav teljast öll sigurvegarar mótsins. Þau tefldu hinsvegar til úrslita um verðlaunagripina. Þar reyndist Sigþór sigursælastur, Viacheslav varð annar og Harpa þriðja. Nökkvi hreppti svo verðlaun fyrir bestan árangur yngri barna. 

Skemmtileg stelpuhelgi. Harpa stúlknameistari.

Dagana 17. og 18. maí efndum við til "stelpuhelgi" í Skákheimilinu og fengum Jóhönnu Björgu Jóhannsdóttur varaforseta SÍ og kennara við Skákskólann í lið með okkur. Á laugardeginum var haldin vegleg æfing og mættu 12 stúlkur á aldrinum 9-12 ára. Þær létu vel af æfingunni og ekki skemmdi fyrir að fá gómsæta pizzuveislu í lokin. Daginn eftir var svo haldið "Stúlknameistaramót Akureyrar" með 8 þátttakendum. Þar reyndist hin margherta Harpa Hrafney Karlsdóttir hlutskörpust og vann allar sínar skákir, sjö að tölu og er þar með fyrsta stúlkan um langt árabil sem hampar þessum titli. Næst henni kom Sóldögg Jökla Stefánsdóttir með sex vinninga og þriðja varð Ragnheiður Valgarðsdóttir með fimm. Allar eru þessa telpur fæddar árið 2013 og bara nokkuð iðnar við kolann. Vonandi tekst okkur að halda merki kvennaskákar áfram á lofti hér fyrir norðan og var heimsókn Jóhönnu mikil hvatning í þá átt

 

Starfsemin framundan

Æfingar og mót það sem lifir maímánaðar:

Æfingar í almennum flokki kl. 16:45-18:00 12. maí og 19. maí. Vormótið verður svo 26. maí.
Æfingar í framhaldsflokki kl. 14:30-16:00 13. maí, 22. maí og 27. maí. 
Sérstök stelpuæfing með Jóhönnu Björgu Jóhannsdóttur verður 17. maí kl. 13:00 
Opnar æfingar sem verið hafa á fimmtudögum eru komnar í sumarfrí.

Mót sem hér segir:
Miðvikudaginn 14. maí kl. 18:00, atskák 8-3
Sunnudaginn 18. maí kl. 13:00, stúlknameistaramót Akureyrar.
Mánudaginn 19. maí kl. 20:00, hraðskákmót 4-2. Reiknað til stiga.
Miðvikudaginn 21. maí kl. 18:00, atskák 8-3. Reiknað til stiga.
Mánudaginn 26. maí kl. 16:45, vormót barna.
Þriðjudaginn 27. maí kl. 20:00, BSO-mótið, hraðskák 4-2. Reiknað til stiga. 

Svo viljum við minna okkar fólk á hið einstæða 100 ára Afmælismót Skáksambands Íslands á Blnduósi dagana 15-21. júní. Skákfélagið hefur þegar tekið frá gistipláss í tveimur fjögurra manna skálum í Glaðheimum.  Þetta mót verður allt í senn, alþjóðlegt skákmót og Íslandsmót í ýmsum flokkum, ungra og gamalla. 

Svo má segja frá því að nú um helgina, 10-11. maí munu öldungar úr SA (með liðsstyrk nokkurra öldunga frá öðrum landsbyggðum) etja kappi við jafnaldra sína úr Reykjavík á Hótel Laugarbakka í Miðfirði. Þar er liðsstjóri okkar sem fyrr Karl Egill Steingrímsson.