Svæðismót í skólaskák 4. apríl

Í samvinnu við Skáksamband Íslands efnum við til Svæðismóts í skólaskák fyrir Norðurland eystra. Teflt verður um sæti á Landsmótinu í skólaskák á Ísafirði 3-4. maí nk. 

Teflt verður um svæðismeistaratitil í þremur aldursflokkum:

1-4. bekk

5-7. bekk

8-10. bekk

Hver skóli á svæðinu má senda keppanda í hvern aldursflokk. Þó ætti að vera pláss fyrir a.m.k. þrjá frá þeim skólum þar sem áhuginn er mestur, jafnvel fleiri. 

Teflt verður í Skákheimilinu. Yngsti flokkur hefur keppni kl. 15:00, en eldri flokkarnir tveir kl. 17:00.

Þátttakendur keppa hver fyrir sinn skóla.  

Mótsgjald er kr. 1000 fyrir hvern þátttakanda.

Þátttaka tilkynnist til mótsstjóra á netfangið [e-mail] fyrir lok dags hinn 3. apríl.

 

 

Næstu mót

Við höldum hraðskákmót í kvöld, 20. mars kl. 20. Svo þetta:
Sunnudaginn 23.mars kl. 13.00, atskák(8-3)
Fimmtudaginn 27. mars kl. 18.00, hraðskák (4-2)
Fimmtudaginn 2. apríl kl. 18.00, atskák (8-3)
Þessi mót eru auðvitað opin öllum, konum sem köllum. 

Síðan verður Svæðismót í skólaskák föstudaginn 4. apríl. Það er haldið í samvinnu við Skáksamband Íslands og þar væntum við þess að sem flestir okkar iðkenda mæti fyrir hönd sinna skóla. Auk þeirra munu væntanlega allmargir þátttakendur koma frá grunnskólum víðs vegar að frá Norðurlandi eystra. Við setjum inn nánari auglýsingu um þetta mót alveg á næstunni. 

Staðan

Þótt nóg hafi verið um að vera í skákinni að undanförnu hafa ákveðin rólegheit ríkt hér heimafyrir. 
Íslandsmóti skákfélaga lau um sl. helgi og eins og venjulega er þetta mót stærsti viðburðurinn hér í hinum íslenska skákheimi. A og B-sveitir félagsins börðust í fyrstu deild. A-sveitin var að tefla mum sigur og sæti í úrvalsdeild, en það hafðist ekki í þetta sinn, þrátt fyrir góð færi. Enn og aftur lentum við í öðru sæti. B-sveitin fékk það verkefni að halda sér í deildinni og tókst það með ágætum. Hið sama má segja um C-sveitina í 3. deild; hún var um tíma í fallsæti, en öflug frammistaða í lokaumferðunum fleytti okkur upp í miðja deild og áframhaldandi sæti í deildinni tryggt. Unglingasveitin í 4. deild beit vel frá sér og var bara skammt frá toppnum. Mjög góð frammistaða hjá okkar mönnum þar. Vonandi tekst okkur að manna fjórar sveitir einnig í næstu keppni, sem hefst í haust. 

Nú er í vændum magnað alþjóðlegt skákmót hér hjá nágrönnum okkar austan Valðaheiðar; 20 ára afmælismót Goðans í Skjólbrekku 13-16. mars. Það munu nokkrir SA-menn láta sjá sig. 

Hér heima er hinsvegar rólegra, m.a. þar sem fyrirhuguðu stúlknamóti sem átti að vera um helgina var frestað. Hinsvegar er ekkert því til fyrirstöðu að við efnum til veglegrar hraðskákæfingar á morgun, sunnudaginn 9. mars kl. 13.00. Þá verður gaman.