Skemmtilegt páskamót - Símon vann örugglega.

Páskamót félagsins var háð á skírdag og mættu alls 18 keppemdur til leiks. Mótið höfðaði greinilega vel til hungra sem aldinna, enda var u.þ.b. 65 ára aldursmunur á yngsta og elsta keppanda. Að venju voru nokkur páskaegg í verðlaun - gefin félaginu af Samskipum. Allir keppendur fengu reyndar örlítið fyrir sinn snúð í þessu efni. 
Símon Þórhallsson tók snemma forystu í mótinu og lét hana aldrei af hendi, enda vann hann hverja einustu skák, níu talsins. Rúnar Sigurpálsson hafnaði í öðru sæti, einum og hálfum vinningi aftar. Þriðju varð Smári Ólafsson með sjö vinninga. Af keppenum á barnsaldri fékk Markús Orri Óskarsson flesta vinninga, en Tobias Þórarinn Matharel kom rétt á hæla honum. Næstir honum voru þeir Valur Darri Ásgrímsson og Einar Ernir Eyþórsson. 
Gott mót í alla staði og keppendur fóru heim að því loknu súkkulaðisælir.
Næst hittumst við fimmtudagskvöldið 4. apríl kl. 20.00. Þá verður tefld hraðskák. 

röð	nafn	vinn
1	Símon	9
2	Rúnar Sigurp	7½
3	Smári Ólafs	7
4	Andri Freyr	6
5	Markús Orri	5½
6	Tobias	5
7	Stefán Arnalds	4½
	Sigurður Eir	4½
9	Angantýr	4
	Valur Darri	4
	Einar Ernir	4
12	Jesper Tói	3½
	Slava	3½
	Damian	3½
15	Nökkvi Már	3
	Kristian	3
	Gabríel Máni	3
18	Bjarki Leó	½

Páskamótið á skírdag!

Að venju blásum við skákfélagsmenn til páskamóts. Það hefst kl. 13.00 á skírdag og verður tefld hraðskák. Eins og áður hvetjum við alla áhugasama - unga sem aldna - til að mæta. Það verða páskaegg í verðlaun, og vonandi verðum við einnig með allmörg egg sem dregin verða út fyrir þá þátttakendur sem ekki lenda í þremur efstu sætunum (viðræður standa yfir við styrktaraðila hvað þetta varðar). 
En allavega hittumst við galvösk á skírdag kl. 13.00!

Sigþór vann marsmótið

Þrettán keppendur mættu til leiks á mánaðarmót barna í gær, 9. mars. Mótið var mjög skemmtilegt og hart barist um sigurinn. Valt þar á ýmsu. Damian tók snemma forystuna, en missti hana svo í hendur Vals Darra, sem var efstur fyrir lokaumferðina. Þá mátti hann þola tap í langri skák gegn Viacheslav, eftir að hafa hafnað jafntefli. Viacheslav (takið eftir breyttri stafsetningu á nafni hans, sem er samræmd við Þjóðskrá) hafði hinsvegar í umferðinni á undan misst af einföldum vinningi gegn Sigþóri, þar sem hann þvingaði fram jafntefli í vinningsstöðu. Sumt af því sem hér er skráð má skrifa á reynsluleysi, en víst hafa reyndari skákmenn geri sig seka um annað eins. Mestu skiptir að okkar ungu iðkendur taki framförum, sem þeir greinilega eru að gera. Um alla keppendur í mótinu má segja að þeim veitir ekki af frekari þjálfun, og eru þó sum þeirra mjög iðin við taflið. En lokastaðan varð sumsé þessi (sex umferðir tefldar):

röð	nafn	stig	f.ár	vinn
1	Sigþór Árni Sigurgeirsson	1678	2011	5
2	Viacheslav Kramarenko	1667	2013	4½
	Valur Darri Ásgrímsson	1554	2012	4½
4	Damian Jakub Kondracki	1608	2008	4
5	Kristian Már Bernharðsson	0	2011	3½
	Gabríel Máni Jónsson	0	2016	3½
7	Yrsa Sif Hinriksdóttir	0	2012	3
	Kári Thoroddsen	0	2012	3
	Einar Ernir Eyþórsson	0	2011	3
10	Skírnir Sigursveinn Hjaltason	0	2015	2½
	Harpa Hrafney Karlsdóttir	0	2013	2½
12	Dominik W Wielgus	0	2015	2
13	Kári Sæberg Magnason	0	2014	1

Þegar saman eru reiknuð mánaðarmót fyrir þrjá fyrstu mánuði ársins hafa þessir keppendur safnað flestum vinningum, (hér hagnast þeir sem tekið hafa þátt í öllum mótunum þremur)
Sigþór       17
Viacheslav   13
Kristian     11,5
Damian       11
Gabríel Máni 10
Valur Darri   9,5
Einar Ernir   7
Skírnir       6

Tvö mánaðarmót eru áformuð til viðbótar í vor; hið fyrra væntanlega þann 6.apríl. Það verður jafnframt svæðismót í skólaskák þar sem teflt verður upp á sæti á Landsmóti í skólaskák, sem fer einmitt fram hér á Akureyri dagana 4. og 5. maí.