Jón Kristinn náði Símoni!

Eins og ráð var fyrir gert áttust við nú í næstsíðustu umferð haustmótsins ungmennin Jokko og Símon. Dugði þeim síðarnefnda jafntefli til að fara langleiðina að sigri á mótinu. Sá fyrrnefndi þurfti hinsvegar nauðsynleg á sigri að halda. Og að sjálfsögðu fengum við alveg klassíska úrslitaskák. Jón hafði hvítt og blés snemma til sóknar, en Símon fór með löndum.  Kannski fór hann of varlega, því þegar andstæðingurinn gat fórnað tveimur mönnum fyrir hrók og sóknarsénsa var Simonovic kominn með bakið uup að vegg. Endatafl með þremur léttum gegn hrók og biskupi reyndist honum erfitt, enda var hann tveimur peðum undir og þurfti að glíma við andstyggilegt frípeðá b-línunni. Jón reyndist hafa tæknina á hreinu og þjarmaði smátt og smátt að svörtum, sem gafst upp í 57. leik.  Mjög góð skák - eiginlega hjá báðum.

Af öðrum skákum er það að segja að Sigurður A náði með nokkrum naumindum jafntefli gegn Kristjani hinum sænska og Andri Freyr vann Karl - en sú skák var reyndar tefld þegar á fimmtudagskvöld.   Að þessu sögðu má sjá að þeir kumpánar Jón og Símon eru nú efstir með 5,5 vinninga í sjö skákum og hafa lokið sínum. Magister Sigurður A hefur 4,5 vinninga og getur náð piltunum með sigri í síðustu skákinni, sem hann mun heyja við nafna sinn E á morgun. Þá lýkur mótinu með þremur skákum; auk þeirra nafna mun Kristjan tefla við Andra og Karl við Harald.  

Óbreytt forysta á haustmótinu

Sjöunda umferð var tefld í gær, föstudag. Símon heldur áfram forystunni eftir sigur á Haraldi í stórbrotinni baráttuskák, þar sem sókn og gagnsókn vógust á. Sigurður Arnarson lætur þó ekki deigan síga í toppbaráttunni og lagði Karl að velli. Sá síðarnefndi mátti gefa skiptamun í miðtaflinu og reyndist það honum um megn. Þá áttust við þeir Kristjan Hallberg og Sigurður Eiríksson og var sú skák nokkuð snubbótt. Kristjan víxlaði leikjum strax í upphafi skákar og missti þá mann. Við það gaf hann skákina. Þeir Andri og Jón Kristinn sátu yfir í þessari umferð.  

Mótstöflu og öll úrslit má finna á Chess-results, en staða efstu manna er nú þessi að tveimur umferðum óloknum (fjöldi skáka í sviga):

Símon            5,5(6)

Jón Kristinn    4,5(6)

Sigurður A      4(5)

Sigurður E      3,5(6)

Ljóst er að baráttan um meistaratitilinn stendur milli þriggja efstu manna og varðar mestu í þeirri baráttu skák ungu mannanna í 8. umferð, sem hefst nú í dag kl. 13. Jón getur þá náð Símoni með sigri, en Símon heldur efsta sætinu með jafntefli og tryggir sér meistartitilinn með sigri. Sigurður lærifaðir þeirra bíður svo færis og gæti skotist í efsta sætið ef úrslit verða honum hagstæð.

Jón Kristinn og Tómas unnu þriðju lotu

Fámmt var á þriðju lotu mótaraðarinnar á fimmtudagskvöldið, enda margir skákmenn uppteknir við önnur verkefni. Þegar þeir uppteknu höfðu verið síaðir frá stóðu fimm kappar eftir og tefldu þeir tvöfalda umferð, alls 8 skákir. Niðurstaðan var þessi:

1-2. Jón Kristinn og Tómas Veigar      6

3-4. Haraldur og Haki                        4

5. Kristjan                                        0

Að venju hefur Jón Kristinn tekið nokkuð örugga forystu í syrpunni. Nóg er þó eftir, en mótin verða alls átta talsins.