Haustmót yngri flokka

Jón Kristinn vann mótið með fullu húsi vinninga

Hann er jafnframt skákmeistari SA í flokki 14-15 ára.

Gunnar Breki Gíslason er skákmeistari SA í flokki 11-13 ára

Gabríel Freyr Björnsson er skákmeistari SA í barnaflokki.

Ýmis forföll ollu því að mótið var afar fámennt í þetta sinn, en átta keppendur mættu til leiks.

Úrslit urðu sem hér segir (fæðingarár í sviga)

Jón Kristinn Þorgeirsson (1999)       7

Benedikt Stefánsson (1999) og

Gabríel Freyr Björnsson (2004)        5

Ísak Orri Karlsson (2005)             4

Gunnar Breki Gíslason (2003)          3

Auðunn Elfar Þórarinsson (2003) og

Roman Darri S Bos (2003)              2

Gabríel Ómar Logason (2005)           0

Jón Kristinn skákmeistari SA 2014

Eins og fram hefur komið urðu þeir Símon Þórhallsson og Jón Kristinn Þorgeirsson efstir og jafnir á Haustmóti SA - Arionbankamótinu sem lauk í síðasta mánuði. Fengu þeir báðir 5,5 vinninga af 7 mögulegum. Því þurftu þeir að tefla um titilinn. Það gerðu þeir sl. þriðjudag, eins og m.a. mátti lesa í síðasta Vikudegi. Tefldu þeir tvær atskákir um titilinn og var hart barist í þeim báðum. Svo fóru leikar að Jón vann báðar skákirnar og hreppti því meistaratitil félagsins í annað sinn. 

Ólympíuafleikir

Í kvöld kl. 20.00 mun verður haldinn fyrirlestur í salarkynnum Skákfélags Akureyrar. Efni kvöldsins eru afleikir á Ólympíumótinu í skák sem fram fór í Tromsö í sumar. Það er huggun fyrir okkur skunkana að sjá að ofurmennin geta líka leikið af sér! Aðalskák kvöldsins er viðureign Shinya Kojima og Sergei Movsesian. Lengst af er sú skák glæsilega tefld hjá Kojima.

Sigurður Arnarson mun romsa út úr sér efni kvöldsins enda heitir Tromsö Romsa á samísku.

Aðgangur er ókeypis og öllum heimill. Búist er við fjölmenni í Höllinni og fyrirsjáanlegur skortur er á bílastæðum.