Óvænt úrslit í mótaröðinni

Öllum á óvörum tókst Jóni Kristni Þorgeirssyni að bera sigur úr býtum á sjöundu lotu mótaraðarinnar sem háð var sl. fimmtudagskvöld. Eins og kunnugt er hefur Jón þessi ekki unnið eitt einasta skákmót undanfarin misseri. Í þetta sinn voru 11 keppendur mættir og lokin urðu þessi:

Jón Kristinn Þorgeirsson       9 af 10

Áskell Örn Kárason             8

Símon Þórhallsson og

Smári Ólafsson                 7,5

Sveinbjörn Sigurðsson og

Tómas V Sigurðarson            5

Sigurður Eiríksson             4,5

Haki Jóhannesson               3,5

Haraldur Haraldsson            2,5

Karl Steingrímsson             1,5

Kristinn P. Magnússon          1

Nú er aðeins eftir ein lota í mótaröðinni og línur farnar að skýrast. Meira um það seinna.

Næst á dagskrá

Margt er á döfinni í Skákheimilinu á næstunni, eða:

fimmtudag 4. desmber kl. 20.00     Mótaröðin, sjöunda lota

laugardag 6. desember kl. 13.00    Norðurlandsmót kvenna (suðursalur)

laugardag 6. desember kl. 13.15    Desembermót 7-12 ára (norðursalur)

sunnudag 7. desember kl. 13.00     15 mínútna mót

Norðurlandsmót kvenna

Hjörleifur Halldórsson, áhaldavörður Skákfélagsins og altmuligmand hefur af mikilli eljusemi staðið fyrir kapptefli kvenna um Norðurlandsmeistaratitilinn undanfarin ár. Í fyrra mættu 10 konur til leiks og tefldu skemmtilegt og fjörugt mót. Nú er komið að móti fyrir 2014 og hljóðar auglýsingin sem hér segir:

 

Norðurlandsmót kvenna í skák 2014

fer fram í Íþróttahöllinni á Akureyri (Skákheimilinu - gengið in að vestan) laugardaginn 6. desember og hefst kl. 13.00.

Fjöldi umferða og tímamörk fer eftir fjölda þátttakenda. Skráning á staðnum.

Núverandi skákmeistari Norðlendinga í kvennaflokki er Ólafía Kristín Guðmundsdóttir.

Skákstjóri er Hjörleifur Halldórsson og má ná sambandi við han í síma 696-4512.