23°C og logn í forsælu!

Þrátt fyrir kuldatíð á annesjum norðanlands er sannkölluð blíða í Skákheimilinu við Þórunnarstræti. Allir manngangsmenn eru velkomnir í blíðuna nk. fimmtudag 23. júlí. Það geta þeir notið góða veðursins í sandölum og ermalausum bol og telft nokkrar hraðskákir til að kæla sig niður. Taflið hefst kl. 20 að venju. 

Sumarskák!

Nk. fimmtudag, 25. júní verður opið hús hjá Skákfélaginu frá kl. 20. Að líkum verður efnt til hraðskákmóts. Manngangsmenn og -konur á öllum aldri velkomin.  

Firmakeppnin: Efling öflugust

Þegar júróvísjonaðdáendur sátu sem fastast við skjáinn á fimmtudagskvöldið til að fylgjast með hvort Ísland kæmist í úrslit öttu skákmeistarar kappi hver við annan í Íþróttahöllinni. Þar fór fram lokaumferðin í Firmakeppninni. 12 fyrirtæki höfðu unnið sér inn þátttökurétt í mótinu í sex undanrásum. Mótið var jafnt og sterkt. Enginn keppandi hlaut fullt hús og allir komust á blað.

Bestum árangri náði sjúkraþjálfunin Efling en Jón Kristinn Þorgeirsson tefldi fyrir það fyrirtæki. Tapaði hann aðeins einni skák en lagði aðra andstæðinga. 

Öllum fyrirtækjum sem tóku þátt í firmakeppninni er hér með þakkað fyrir stuðninginn og Eflingu er óskað til hamingju með sigurinn.

Niðurstaðan í úrslitamótinu varð þessi:

1. Efling, sjúkraþjálfun (Jón Kristinn Þorgeirsson)
2. Rarik (Áskell Örn Kárason)                                                     3.-4.Litla saumastofan (Sigurður Arnarson) og Krua Siam (Haraldur Haraldsson)        5.-6. Kraftbílar (Þór Valtýsson) og SBA (Sveinbjörn Sigurðsson)
3. Kaffibrennslan (Kristinn P. Magnússon)
4. Landsbankinn (Smári Ólafsson)
5. -12. Rafeyri, Securitas, Olís og Tengir.