Haraldur atskákmeistari

Atskákmót Akureyrar var háð í síðustu viku og lauk á fimmtudaginn. Átta keppendur tóku þátt í mótinu sem var mjög jafnt og spennandi. Í upphafi tók Andri Freyr Björgvinsson forystuna en tapaði svo fyrir Sigurði Arnarsyni sem náði honum þá að vinningum; báðir höfðu þrjá vinninga eftir fjórar fyrstu umferðirnar.  Þeim gekk hinsvegar afleitlega eftir það og misstu báðir af verðlaunasæti. Í staðinn voru það þeir Haraldur Haraldsson og Þór Valtýsson sem sigur fram úr öðrum keppendum, unnu þrjár síðustu skákirnar og komu jafnir í mark með fimm vinninga af sjö mögulegum. Þar sem Þór er búsettur utan Akureyrar átti hann ekki möguleika á titlinum í þetta sinn og kemur hann því í hlut Haraldar, sem að sönnu er vel að þessum honum kominn. Svona eru úrslitin upp skrifuð:

Haraldur og Þór                   5

Áskell Örn Kárason               4,5

Sigurðar Eiríksson og Arnarson   3,5

Andri Freyr                      3

Hjörleifur Halldórsson           2

Karl E. Steingrímsson            1,5

 

Haustmót yngri flokka næsta sunnudag kl. 13!

 

Fyrirkomulag:

Tefldar verða 7 umferðir eftir svissnesku kerfi.

Umhugsunartími er 10 mínútur á keppanda í hverri skák.

Teflt verður í einum flokki og keppt um eftirfarandi titla:

• Skákmeistari SA í barnaflokki – fædd 2005 og síðar.
• Skákmeistari SA í flokki 11-13 ára – fædd 2004, 2003 og 2002
• Skákmeistari SA í flokki 14-15 ára – fædd 2001 og 2000
• Skákmeistari SA í yngri flokkum – allir aldursflokkar samanlagðir.

 

Aðrar upplýsingar:

• Skráning á staðnum frá 12.45
• Mótið tekur u.þ.b. tvo tíma.
• Ekkert keppnisgjald.
• Úrslitum lýst í mótslok, en verðlaunafhending verður á uppskeruhátíð haustmisseris þann 20. desember nk.
• Verðlaun fyrir þrjú efstu sætin í þremur aldursflokkum og efsta sætið í samanlögðu.

Eldri skákmenn í ham

Í kvöld var teflt í Mótaröðinni eins og svo oft áður á fimmtudögum. Meðalaldurinn var nokkuð hár enda eru Jokkó og Símon í útlöndum. Ólafur Kristjánsson bar sigur úr bítum og hlaut 11 vinninga í 12 skákum. Í 2. sæti varð Áskell Örn Kárason með 9,5 vinninga og í því 3. varð Þór Valtýsson með 8 vinninga. Aðrir stóðu þeim langt að baki.
Það var sérlega ánægjulegt að bæði Þór og Óli mættu til leiks en hundfúlt að láta þá rúlla sér upp.