Ólafur bestur

Í dag fór fram hið árlega jólahraðskákmót Skákfélags Akureyrar. 11 keppendur mættu til leiks og tefldu tvöfalda umferð. Hver og einn tefldi því 20 skákir og er ekki laust við að sumir hafi orðið heldur framlágir í lok móts. Samtals voru því tefldar 110 skákir. Nokkra sterka skákmenn vantaði sem voru sunnan heiða að taka þátt í atskákmóti Íslands sem félagi okkar, Óskar Long, hefur veg og vanda af. Nokkrir skákmenn mættu til leiks sem ekki hafa sést lengi og stóðu þeir sig með prýði.

Úrslit urðu þau að Ólafur Kristjánsson var í miklu stuði og sigraði örugglega. Hann hlaut 18 vinninga af 20 mögulegum og varð 2,5 vinningum á undan næsta manna.

Úrslitin má sjá hér að neðan:

1. Ólafur Kristjánsson 18 vinninga
2. Sigurður Arnarson 15,5

3.-4. Elsa María Kristínardóttir og Sigurður Eiríksson 12

5.-6 Einar Garðar Hjaltason og Sveinbjörn Sigurðsson 10,5

7. Eymundur Eymundsson 10
8. Haki Jóhannesson 9,5
9. Karl Egill Steingrímsson 7,5
10. Benedikt Stefánsson 4,5
11. Hulda Vilhjálmsdóttir aðeins minna.

 

Næsti viðburður og sá síðasti á árinu er hverfakeppnin sem haldin verður 30. desember kl. 20. Miðað við úrslit dagsins má búast við öruggum sigri Þorparanna en þeir voru í þremur af fjórum efstu sætunum. Að vísu vantaði einhverja Brekkusnigla, einkum gamalmenni og unglinga.

uppskeruhátíð og jólapakkamót

Á sunnudag 20.des er jólapakkamót og uppskeruhátíð . sjá auglýsingu.

Jón Kristinn gaf engin grið. Forgjafarmót á morgun

Á fimmtudag fór fram lokaumferð Mótaraðarinnar. Samtals tefldu 18 keppendur í henni þetta árið en í lokaumferðina mættu 8 þátttakendur og tefldu tvöfalda umferð.

Mikil spenna var fyrir lokaumferðina. Þrír keppendur áttu raunhæfa möguleika á að verða efstir í mótinu og voru þeir allir mættir til leiks.
Áskell Örn Kárason stóð best að vígi með 34 vinninga og hafði 2,5 vinninga forskot á ungstirnin Jón Kristinn Þorgeirsson og Símon Þórhallsson sem báðir höfðu 31,5 vinninga. Þessir þrír röðuðu sér örugglega í þrjú efstu sætin en skemmst frá því að segja að Jokkó var í miklu stuði og vann forskot formannsins upp með því að vinna allar sínar skákir.
Lokastaða kvöldsins varð þessi:

Jón Kristinn 14 vinningar af 14 mögulegum

Símon Þórhallsson 11 vinningar

Áskell Örn Kárason 10,5 vinningar

Haraldur Haraldsson 7,5 vinningar

Sigurður Arnarson 7 vinningar

Sigurður Eiríksson 3 vinningar

Karl Egill Steingrímsson 2 vinningar

Kristinn P. Magnússon 1 vinningur.

Lokastaðan í mótinu varð því sem hér segir:

Jón Kristinn Þorgeirsson		45,5
Áskell Örn Kárason		44,5
Símon Þórhallsson		42,5
Sigurður Arnarson		25
Haraldur Haraldsson		20,5
Ólafur Kristjánsson		19
Andri Freyr Björgvinsson		18
Smári Ólafsson		14
Sigurður Eiríksson		13,5
Þór Valtýsson		8
Karl Egill Steingrímsson		7,5
Ingimar Jónsson		7,5
Kristinn P. Magnússon		7
Haki Jóhannesson		6
Hreinn Hrafnsson		1
Ulker Gasanova		1
Sveinbjörn Sigurðsson		0,5

 

 

Á morgun kl. 13 fer fram forgjafarmót. 10 mín verða notaðar á hverja skák þannig að sá sem hefur færri skákstig fær fleiri mínútur. Ef keppendur eru með því sem næst jafn mörg stig fær hvor keppandi 5 mínútur í umhugsunartíma.