Firmakeppnin

Í gær fóru fram næstsíðustu undanrásir Firmakeppni SA. Að þessu sinni tefldu 9 sterkir skákmenn, sem allir mættu með gleraugu, fyrir 9 fyrirtæki. Mótið var jafnt og spennandi, allir hlutu vinninga og enginn stakk aðra af.

Símon Þórhallsson var mjög orkumikill enda tefldi hann fyrir Becromal. Jón Kristinn Þorgeirsson renndi sér samhliða honum í mark og tefldi hann fyrir Skíðaþjónustuna. Þeir hlutu báðir 6 vinninga af 8 mögulegum. Jafnir í 3. og 4. sæti urðu þeir Ólafur Kristjánsson, sem keyrði af öryggi í gegnum allt mótið og Sigurður Arnarson, sem var í miklu stuði þótt hann brynni yfir á lokametrunum. Ólafur keppti fyrir SBA en Sigurður fyrir Raftákn.

Lokastaðann varð sem hér segir:

1.-2. Becromel (Símon Þórhallsson) og Skíðaþjónustan (Jón Kristinn Þorgeirsson) 6 vinningar

3.-4. SBA (Ólafur Kristjánsson) og Raftákn (Sigurður Arnarson) 5 vinningar

5.-6. Sigurgeir Svavarsson ehf (Smári Ólafsson) og Bústólpi (Sigurður Eiríksson) 4 vinningar

7. Kjarnafæði (Haraldur Haraldsson) 3 vinningar
8. Rarik (Haki Jóhannesson) 2 vinningar
9. Blikk- og tækniþjónustan (Karl E. Steingrímsson) 1 vinningur

 

Ný mótaáætlun

Sæl. Hér er ný mótaáætlun fram í júní 

 Í kvöld fimmtudag 21 kl 20:00 er firmakeppninni haldið áfram.

Skrár tengdar þessari bloggfærslu:

• motaatlun_jan_til_mai_2016_0_0.xlsx

Fannar og Eyþór umdæmismeistarar í skólaskák

Umdæmismót í skólaskák var teflt í Skákheimilinu síðasta vetrardag, 20. apríl. Sjö keppendur voru mættir til leiks í yngri flokki (1-7. bekk) og fjórir í eldri flokki (8-10. bekk). Tefldar voru 10 mínútna skákir. 

Í eldri flokki var tefld tvöföld umferð. Baráttan var mjög jöfn og eftir að þeir Eyþór Kári og Arnar Smári komu jafnir í mark, þurftu þeir að tefla til úrslita um meistaratitilinn. Þar réð dramatíkin ríkjum; í fyrri skákinni var Eyþór með unnið tafl, en pattaði andstæðinginn óvart! Þeir þurftu því að tefla aðra skák; þá sást Arnari yfir mát í einum leik(!),  missti tökin eftir það og tapaði. 

Í yngri flokki stóð baráttan milli þeirra Fannars Breka og Gabríels Freys, sem vann þennan flokk í fyrra. Skák þeirra í næstsíðustu umferð var alger úrslitaskák og þar hafði Fannar betur. 

Sigurvegararnir í báðum flokkum unnu sér rétt til að keppa á Íslandsmótinu í skólaskák sem fram fer 6-8. maí í Smáraskóla.  Þar sem Norðurland eystra á í þetta sinn rétt á tveimur sætum í eldri flokki, gefur annað sæti Arnars Smára honum einnig keppnisrétt á mótinu.

Úrslitin í heild sinni:

Eldri flokkur:

1. Eyþór Kári Ingólfsson, Stórutjarnaskóla 4+1,5

2. Arnar Smári Signýjarson, Giljaskóla     4+0,5

3. Tumi Snær Sigurðsson, Brekkuskóla       2+1

4. Kristján Davíð Björnsson, Stórutjarnaskóla 2+0

 

Yngri flokkur:

1. Fannar Breki Kárason, Glerárskóla      6

2. Garbíel Freyr Björnsson, Brekkuskóla   5

3-5. Kristján Smárason, Borgarhólsskóla, Marge Alavere, Stórutjarnaskóla og Ari Ingólfsson Stórutjarnaskóla 3

6. Árni Stefán Friðriksson, Dalvíkurskóla 1

7. Unnar Marinó Friðriksson, Dalvíkuskóla 0