Geðveikt skákmót

Á morgun kl. 13 verður skákmót til styrktar Grófinni. Hækkuð borðgjöld renna óskert til Grófarinnar.
Eymundur Eymundsson hefur fengið góða styrktaraðila.
Blómabúð Akureyrar gefur fallegan kertastjaka og kerti.
Joe´s gefur 5000 króna gjafabréf

Penninn Eymundsson (ekki bróðir Eymundar) gefur tafl að verðmæti 5000 krónur.

Dregið verður um vinningana.

Sigurður E og Áskell náðu kóngsbragðinu

Skylduleikjamót var háð sunnudaginn 27. nóvember og tefldu menn kóngsbragð, eftir þessa skylduleiki: 

1. umferð:  1.e4 e5 2.f4 exf4

2. umferð:  1.e4 e5 2. f4 exf4 3. Rf3 Rf6

3. umferð:  1.e4 e5 2. f4 exf4 3. Rf3 Re7

4. umferð:  1.e4 e5 2. f4 exf4 3. Rf3 d6

5. umferð:  1.e4 e5 2. f4 d5

6. umferð:  1.e4 e5 2. f4 d5 3. exd5 e4 4. Rc3 Rf6

7. umferð:  1.e4 e5 2. f4 exf4 3. Rf3 g5

Átta kappar mættu til leiks og lauk mótinu þannig:

1-2.Áskell Örn Kárason og Sigurður Eiríksson 6

3. Sveinbjörn Sigurðsson  5

4-6. Hjörtur Steinbergsson, Karl Steingrímsson og Sigurður Arnason 3,5

7. Heiðar Ólafsson      1

8. Fannar Breki Kárason 0 

Litu þar margar skákperlur dagsins ljós.

Nú að kvöldi fullveldisdags verður svo efnt til áttundu og síðustu lotu mótaraðarinnar. Keppnin um nannað sætið er hörð.

 

 

Fyrirlestur á morgun, sunnudag

Á morgun, sunnudaginn 20. nóvember verður opið hús í Skákheimilinu. Þar mun félagi Sigurður Arnarson fræða okkur um stöðulegar drottningarfórnir og sýna nokkur skemmtileg dæmi um þar hvernig fórna má hennar hátign fyrir lægra setta liðsmenn og hafa samt betur. Húsið opnar kl. 13.00 og allir velkomnir.