En allt opið í úrslitakeppninni

Nú er tveimur skákum af þremru lokið í úrslitum Skákþinga Akureyrar. Á miðvikudag leiddu þeir Tómas og Andri saman hesta sína og hafði Tómas sigur. Hann tefldi svo við Jón Kristin í gær, fimmtudag og hefði með sigri getað tryggt sér sigur á mótinu og Akureyrarmeistaratitilinn. Tómas átti lengi vel allskostar við fráfarandi meistara og virtist um tíma ná yfirhöndinni með svörtu mönunum. Han missti þó þráðinn í endatafli sem var sigurstranglegt hjá Jóni. Tómas varðist þó vel og ef tir að báðir vöktu upp drottningu kom upp endatafl þar sem Jón hafði drottningu og riddara gegn drottningu Tómasar. Eins og dæmin sanna getur reynst erfitt að verjast í slíkri stöðu með lítinn tíma og fór svo að lokum að Tómas féll í mátgildru. 

Lokaskákin í þessari umferð verður tefld á morgun, laugardag og hefst kl. 13.15. Þá stýrir Andri hvítu mönnunum gegn Jóni Kristni. Nægir þeim síðarnefnda jafntefli til að halda titilinum, en vini Andri verða þeir áfram jafnir allir þrír og veður þá teflt til úrslita á sunnudaginn. 

Barist til síðasta manns

Nú er að hefjast keppni til úrslita um það hver þeirra þremenninga, Andra Freys Björgvinssonar, Tómasar Veigars Sigurðarsonar eða Jóns Kristins Þorgeirssonar, stendur uppi sem sigurvegari í Sákþimgi Akureyrar og um leið Skáksmeistari Akureyarar 2017. Um titilinn verður teflt með þessum hætti:

Miðvikudag kl. 16.30  Tómas-Andri

Fimmtudag kl. 16.30   Jón Kristinn-Tómas

Laugardag kl. 13.15   Andri-Jón Kristinn

Þeir munu tefla kappskákir - sömu tímamörk og á aðalmótinu. Ef tveir eða þrír verða enn jafnir munu þeir tefla atskákir á sunnudag með umhugsunartímanum 15-10. Ef enginn er enn búinn að tryggja sér sigurinn eftir þetta verður farið í hraðskákir 4-2. Í báðum tilvikum einföld umferð ef þeir eru þrír, en tvöföld ef þeir eru tveir. Í lokið - ef annað gengur ekki - verður telfd ein gjörningaskák þar sem annar hefur fimm mínútur og hinn fjórar og þá nægir þeim tímanaumari jafntefli.

En sumsé -  við byrjum á morgun, miðvikudag kl. 16.30!

 

Þrenningin blífur!

Það fór eins og marga grunaði - þeir Andri, Jón Kristinn og Tómas sitja saman á toppnum eftir lokaumferð Skákþings Akureyrar nú í dag. Allir unnu þeir sínar skákir og halda því efsta sætinu með sex vinninga af sjö mögulegum. Úrslitin í lokaumfeðinni:

 

Alex-Jón           0-1

Sveinbjörn-Tómas   0-1

Gabríel-Andri      0-1

Ulker-Karl         0-1

Fannar-Hreinn      0-1

Heiðar-Ágúst       1-0

Lokastaðan er þá þessi:

1-3. Andri, Jón Kristinn og Tómas 6; 4-5. Karl og Hreinn 4; 6-7. Alex og Haraldur 3,5;  8-11. Gabríel, Heiðar, Sveinbjörn og Ulker 3, 12-13. Ágúst og Fannar 2. 

Nú verður blásið til úrslitakeppni um titilinn "Skákmeistari Akureyrar 2017". Þar mun þeir þremenningar tefla einfalda umferð sín á milli. Ef það nægir ekki til að útkljá málið verður telft áfram með styttri umhugsunartíma; fyrst í atskákum og ef það dugar ekki verður tíminn styttur enn frekar. Nánar um það síðar.