Bikarmótið 2017

Sælir félagar á fimmtudaginn (skírdag) kl 13:00 hefst bikarmótið,sem er útsláttarkeppni. Menn falla út eftir 3 töp,(jafntefli = 1/2 tap) Tefldar verða atskákir,15 eða 20 mínútur eftir þáttöku.

Mótinu verður framhaldið á Föstudaginn langa kl 13:00.Skákmenn eru hvattir til að mæta á þetta skemmtilega mót. Bikarmeistari síðasta árs var Jón Kristinn Þorgeirsson eftir harða rimmu við Símon Þórhallsson í restina.

Stjórnin.

Tvíefldir Sigurðar á 15 mín. móti

Sunnudaginn 9. apríl var haldið mót þar sem keppendur höfðu 15 mínútna umhugsunartíma á skák. Átta unnendur Caissu heillinnar mættu til leiks og var mótið fjörugt og skemmtilegt. Þeir nafnar Sigurður Eiríksson og Arnarson tefldu margar góðar skákir og unnu flestar þeirra. Samanlagt fékk Sigurður 10 vinninga, sem er meira en hægt var að skrifa á önnur nöfn í þessu móti. En taflan lítur svona út:

		1	2	3	4	5	6	7	8
1	Áskell Örn Kárason		1	1	1	1	1	1	1	7
2	Sigurður Eiríksson	0		1	1	1	1	1	1	6
3	Sigurður Arnarson	0	0		1	0	1	1	1	4
4	Hjörtur Steinbergsson	0	0	0		1	0	1	1	3
5	Karl Steingrímsson	0	0	1	0		1	0	½	2½
6	Heiðar Ólafsson	0	0	0	1	0		1	0	2
7	Hreinn Hrafnsson	0	0	0	0	1	0		1	2
8	Ulker Gasanova	0	0	0	0	½	1	0		1½

Í upphafi móts var mínútu þögn í minningu nýlátins félaga, Sveinbjörns Óskars Sigurðssonar. Af virðingu við hionn látna skákmeistara var þögnin þó í styttra lagi í þetta sinn. Minningu meistara Sveinbjörns verður gerð betri skil síðar, með veglegra mnóti í hans nafni.

Firmakeppnin hafin

Firmakeppni SA hefur farið bratt af stað. Nú þegar hafa tveir undanriðlar verið tefldir og margar flottar skákir birst á reitunum 64.
Keppnin fer þannig fram að skákmenn mæta og draga sér nafn fyrirtækis sem þeir tefla fyrir það kvöldið. Efstu fyrirtækin komast áfram. Tefldar eru 5 mín. skákir, allir við alla.

 

Fyrsti undanriðillinn fór fram þann 30. mars. Þá mættu 10 skákmenn og tefldu fyrir 10 fyrirtæki sem öll styrkja starfið. Úrslit urðu sem hér segir:

1.    TM (Áskell Örn Kárason) 7,5 vinningar af 9 mögulegum.

2.-3. Krua Siam (Haraldur Haraldsson) og

      VÍS (Ólafur Kristjánsson) 6,5 vinningar

4.    BSO (Smári Ólafsson) 4 vinningar

5.    Höldur (Elsa María Kristínardóttir) 5,5 vinningar

6.    Kaffibrennslan (Haki Jóhannesson) 5 vinninga

7.    Sjóvá (Sigurður Eiríksson) 4 vinningar

8.-9. Arionbanki (Heiðar Ólafsson) og

      Landsbankinn (Karl Egill Steingrímsson) 2 vinningar

10.   Íslensk verðbréf (Hilmir Vilhjálmsson) 0 vinningar.

 

Ekki var spennan minni í 2. umferð sem tefld var fimmtudaginn 6. apríl. Þá mættu 9 þátttakendur og aðeins munaði hálfum vinningi á 1. og 3. sæti. Aftur endaði formaðurinn í efsta sæti, en nú deildi hann því með Ólafi.

 

1.-2.     Becromal (Áskell Örn Kárason) og

          Rafeyri (Ólafur Kristjánsson) 7 vinningar af 8 mögulegum.

3. SBA (Sigurður Arnarson) 6,5 vinningar
4. Kjarnafæði (Tómas Veigar Sigurðarson) 5 vinningar
5. (Elsa María Kristínardóttir) 4 vinningar
6. Bautinn (Sigurður Eiríksson) 3 vinningar
7. Rafvík (Smári Ólafsson) 2,5 vinningar
8. Gullsmiðir (Haki Jóhannesson) 1 vinningur
9. Bústólpi (Heiðar Ólafsson) 0 vinningar.
10. 

 

Öllum fyrirtækjunum er hér með þakkaður stuðningurinn en næsta umferð fer fram 27. apríl og enn geta fyrirtæki skráð sig til þátttöku.