Skákbakterían hvílir sig á veirunni

Nú leggst hið hefðbundna skáklíf í dvala um sinn, vegna veirunnar sem eg ætla ekki einu sinni að nefna. Hefðbundnum skákæfingum og skákmótum er frestað meðan núgildandi samkomutakmarkanir gilda. 

Engar æfingar til 17. nóvember í það minnsta. 

Við vilju hinsvegar vekja athygli á því að skákiðkun á Netinu er lífleg. Núna kl. 17.00 er þannig að byrja nytt mót í Skólaskákmótaröðinni á chess.com. Næsta mót Skákfélagsins í Heimilistækjaröðinni verður svo þann 13. nóvember. Þess á milli eru fjölmörg mót sem öll eru auglýst rækilega á skak.is.

Fylgist vel með!

 

Haustmótinu lokið með sigri Andra Freys.

Haustmót Skákfélags Akureyrar lauk í dag. Úrslit sjöundu og síðustu umferðar:

Andri-Sigþór          1-0

Stefán-Smári          0-1

Gunnar Logi-Sigurður  0-1

Tobias-Emil           1-0

Markús-Brimir         1-0

Alexía-Jökull Máni    0-1

Það er því Andri Freyr Björgvinsson sem er meistari félagsins, annað árið í röð. Hann vann allar sínar skákir, sjö að tölu. Smári Ólafsson náði líka öðru sætinu með miklu öryggi; tapaði aðeins fyrir Andra en vann aðrar skákir. Í yngri flokki urðu þeir Markús Orri Óskarsson og Tobias Þórarinn Matharel jafnir og þurfa að tefla einvígi um meistaratitilinn.

Lokastaðan:

Andri Freyr Björgvinsson       7

Smári Ólafsson                 6

Sigurður Eiríksson             5

Stefán G Jónsson               4

Markús Orri og Tobias          3,5

Sigþór Árni, Jökull Máni og Gunnar Logi   3

Emil Andri og Brimir          2

Alexía Hilmisdóttir           1 

 

Síðasta umferð Haustmótsins á morgun.

Á morgun, 25. október kl. 13.00 hefst sjöunda og síðasta umferð Haustmótsins. Öllum skákum úr sjöttu umferð er nú lokið, eftir að Brimir og Alexía tefldu sína skák. Henni lauk með sigri þess fyrrnefnda. 

Sigurvegari síðasta árs, Andri Freyr Björgvinsson, stendur með pálmann í höndunum fyrir lokaumferðina, en hann hefur vinningsforskot á næsta mann, Smára Ólafsson. Þeir Smári, Sigurður Eiríksson og Stefán G. Jónsson heyja svo baráttu um annað og þriðja sætið. Baráttan um efsta sætið í yngri flokki er hörð og jöfn, en heildarstöðuna eftir sjöttu umferð má sjá á Chess-results. 

Í sjöundu umferð eigast þessi við:

Andri og Sigþór

Stefán og Smári

Gunnar Logi og Sigurður

Markús og Brimir

Emil og Tobias

Alexía og Jökull Máni