SKÁKÞING AKUREYRAR

hið 75. í röðinni

hefst nk. sunnudag 22. janúar kl. 13.00
Teflt verður í Skákheimilinu í Íþróttahöllinni við Skólastíg.
Teflt verður í einum flokki og er öllum heimil þátttaka, en aðeins skákmenn með lögheimili á Akureyri geta unnið titilinn sem teflt er um:

 „SKÁKMEISTARI AKUREYRAR 2012.“

Á mótinu eru tefldar 7 umferðir skv. Monrad-kerfi og verður teflt á þessum dögum:
Sunnudaginn 22. janúar kl. 13.00    1. umferð
Miðvikudaginn 25. janúar kl. 19.30    2. umferð
Sunnudaginn 29. janúar kl. 13.00    3. umferð
Miðvikudaginn 1. febrúar kl. 19.30    4. umferð
Sunnudaginn 5. febrúar kl. 13.00    5. umferð
Miðvikudaginn 8. febrúar kl. 19.30    6. umferð
Miðvikudaginn 15. febrúar kl. 19.30    7. umferð
Mótsstjórn áskilur sér rétt til að fjölga umferðum og breyta tafldögum eftir að endanlegur fjöldi þátttakenda liggur fyrir. Ákvörðun um þetta mun liggja fyrir við upphaf 1. umferðar.

Umhugsunartími verður 90 mínútur á skákina, auk þess sem 30 sekúndur bætast við tímann fyrir hvern leik (90+30).
Þátttökugjald er kr. 2.500 fyrir skuldlausa félagsmenn, kr. 3.000 fyrir aðra. Þátttaka er ókeypis fyrir þá unglinga sem greitt hafa æfingagjald.  

Þátttaka tilkynnist formanni félagsins með tölvupósti í [e-mail], eða á skákstað eigi síðar en 10 mínútum fyrir auglýst upphaf 1. umferðar.

TM-mótaröðinni fram haldið á fimmtudaginn

Annað mótið í röðinni verður á morgun, fimmtudag og hefst kl. 20. Allir meira en guðvelkomnir. Að venju verða tefldar 5 mínútna skákir og sá besti vinnur.

Tómas vann fyrsta 15 mínútna mótið

Fyrsta 15 mínútna mót ársins var háð í gær. Sumir höfðu sig ekki framúr og gátu því ekki mætt. Þeir sem það herðu tefldu hinsvegar hörkumót. Tómas Veigar Sigurðarson var þar fremstur meðal jafningja og vann allar sínar skákir. Á hinum endanum mátti Haki sætta sig við eitthvað minna. Aðrir voru þar mitt á milli:

Tómas Veigar        5

Smári Ólafsson, Sigurður Arnarson og nafni hans Eiríksson 3

Símon Þórhallsson   1

Haki Jóhannesson    0