Firmakeppni 3. umferð

Í gær lauk 3. umferð firmakeppninnar í skák. 11 þaulreyndir skákmenn öttu kappi fyrir jafn mörg fyrirtæki og var hart barist. Svo fór að lokum að Höldur (Jón Kristinn Þorgeirsson) hafði sigur með 9 vinninga af 10 mögulegum. Í 2. sæti varð Happdrætti Háskóla Íslands (Sigurður Arnarson) með 8 vinninga og síðan voru þrjú fyrirtæki jöfn með 7 vinninga. Það voru Arionbanki (Sigurður Eiríksson) Vífilfell (Haki Jóhannesson) og Samherji (Tómas Veigar Sigurðsson). Önnur fyrirtæki hlutu færri vinninga en það voru Vörubær (Smári Ólafsson), KPMG (Atli Ben.), Dekkjahöllin (Símon), Kjarnafæði (Bragi), Norðurorka (Logi) og Matur og Mörk (Ari).

Á laugardag verður unglingamót fyrir þá sem æfa skák með Skákfélaginu. Eldri og reyndari skákmenn eru hvattir til að mæta og etja kappi við unglingana svo þeir fái verðuga keppni. Mótið hefst kl. 13 og er öllum heimil þátttaka og er frítt á viðburðinn.

Jón Kristinn skákmeistari Lundarskóla

Skólaskákmót Lundarskóla fór fram í gær. Keppendur voru alls 23 og urðu úrslit sem hér segir:

 

	nafn	bekk	vinn	stig
1	Jón Kristinn Þorgeirsson	7	5
2	Símon Þórhallsson	7	4	17,5
3	Gunnar Aðalgeir Arason	5	4	13,5
4	Ómar Logi Kárason	6	3,5
5	Atli Fannar Franklín	8	3	16,5
6	Guðmundur Aron Guðmundsson	5	3	14
7	Jón Stefán Þorvarsson	6	3	13,5
8	Guðmundur H. Friðgeirsson	6	3	12
9	Adam Atli Sandgreen	6	3	11
10	Jóhann Bjarki Þorvaldsson	7	3	9,5
11	Jóhann Jörgen Kjerúlf	8	3	7,5
12-15	Anton Heiðar Erlingsson	8	2,5
12-15	Brynjar Ingi Bjarnason	7	2,5
12-15	Pétur Þorri Ólafsson	7	2,5
12-15	Ísak Ernir Ingólfsson	5	2,5
16-20	Hlynur Sigfússon	5	2
16-20	Björn Torfi Tryggvason	5	2
16-20	Alexander Kristján Sigurðsson	8	2
16-20	Óðinn Ásbjarnarson	8	2
16-20	Jóhann Geir Sævarsson	7	2
21	Ólöf María Bjarnadóttir	4	1
22	Karl Einar Karlsson	2	0,5
23	Elísabet Anna Ómarsdóttir	4	0

 Jón Kristinn vann allar skákir sínar, 5 að tölu. Þeir Símon og Gunnar Aðalgeir urðu jafnir að vinningum í öðru sæti, en Símon var hærri að stigum (samanlagðir vinningar andsæðinga hans á mótinu). Allir vinna þeir sér rétt til þátttöku á skólaskákmóti Akureyrar, sem háð verður 21. apríl nk. 

Þessir þrír urðu jafnframt efstir í yngri flokki (1.-7. bekk). Í eldri flokki (keppendur í 8-10. bekk), varð Atli Fannar Franklín efstur með 3 vinninga og Jóhann Jörgen Kjerúlf annar með sömu vinningatölu. Með árangri sínum unnu þér sér einnig keppnisrétt á skólaskákmóti Akureyrar, eldri flokki.  Það mót fer einnig fram 21. apríl nk.  

Teflt í firmakeppninni í kvöld

Í kvöld, fimmtudag kl. 20 verður teflt í firmakeppni SA. Engin borðgjöld og allir velkomnir.

Að venju verður svo unglingamót á laugardaginn kl. 13 og einnig mót á sunnudag á sama tíma. Það veður auglýst betur síðar.