Feðgar unnu 15 mín mót

Fámennt var á 15 mínútna móti félagsins í gær. Einungis fjórir mættu til leiks og fyrir vikið var tefld tvöföld umferð.  Hinir fræknu feðgar Sigurður og Tómas böðrust um sigrinn á mótinu. Sonurinn byrjaði betur; vann fyrstu fjórar skákir sínar en faðirinn reyndist hafa betra úthald og náði stráknum með sigri í skák þeirra í síðustu umferð.

1-2. Sigurður Eiríksson og Tómas Veigar Sigurðarson, 4

3. Ari Friðfinnsson 3

4. Andri Freyr Björgvinsson 1

Næsti stórviðburður á vegum félagsins er undanrásariðill í Firmakeppninni nk. fimmtudag 26. apríl. 

Andri Freyr og Jón Kristinn skólaskákmeistarar Akureyrar

Í dag var teflt til úrslita i skólaskákmóti Akureyrar. Því miður mættu einungis keppendur frá þremur skólum á mótið sem fyrir vikið varð fremur fámennt. Úrslit urðu þessi:

 

 

 

 

 

Yngri flokkur:

1. Jón Kristinn Þorgeirsson, Lundarskóla 

2. Símon Þórhallsson, Lundarskóla

3. Hermann Helgi Rúnarsson, Glerárskóla

4. Oliver Ísak Ólason, Brekkuskóla

5. Davíð Hafþórsson, Glerárskóla

Eldri flokkur:

1. Andri Freyr Björgvinsson, Brekkuskóla

2. Magnús Mar Väljaots, Brekkuskóla

3. Logi Rúnar Jónsson, Glerárskóla

4. Hersteinn B. Heiðarsson, Glerárskóla

5. Birkir Freyr Hauksson, Glerárskóla

6. Atli Fannar Franklín, Lundarskóla

Úrslitin í yngri flokki voru nokkuð eftir bókinni, enda var Jón Kristinn nú að vinna yngri flokkinn í 4. sinn! Það met getur hann ekki bætt því þetta er hans síðasta ár í yngri flokki. Í eldri flokki urðu hinsvegar heldur betur óvænt úrslit. Hvorki Hersteinn, sem tefldi á landsmóti í fyrra; eða nýkrýndur Akureyrarmeistari Logi Rúnar náðu að blanda sér að marki í baráttuna um meistaratitilinn. Í staðinn var það Brekkskælingurinn Magnús Mar sem öllum að óvörum vann fyrstu fjórar skákir sínar í mótinu. Andri Freyr, sem gekk illa í fyrra, náði svo að vinna Magnús í úrslitaskák í síðurstu umferð og tryggja sér titilinn.

Þeir Jón Kristinn og Símon, ásamt  Andra Frey og Magúsi, hafa nú unnið sér þátttökurétt á kjördæmismótinu sem fer fram um bæstu helgi.

Mikael Jóhann með 7 vinninga af 7 mögulegum

Nú er nýlokið Íslandsmóti framhaldsskóla í skák með sigri Verslunarskóla Íslands en MR varð í 2. sæti. Sjá nánar á http://skak.blog.is/blog/skak/entry/1235212/#comment3307028 og http://www.dv.is/blogg/skaklandid/2012/4/19/viva-la-verzlo/ Engin sveit var send frá Akureyri á þetta mót en það kom ekki í veg fyrir að við ættum mann í keppninni. Mikael Jóhann Karlsson, sem tefldi á 2. borði hjá MR, hlaut borðaverðlaun. Hann hlaut 7 vinninga í 7 skákum. Til hamingju með árangurinn, Mikki.
Skákstjórar á mótinu voru Stefán Bergsson og Björn Ívar Karlsson.